"Këshillit i hiqet e drejta për të rikthyer Planet e Detajuara Vendore"
Thellohet më tej përplasja mes dy ministrave të koalicionit PS- LSI Manjani, Gjermenit: Cënon autonominë vendore
Qeveria është duke përgatitur ndry shimet e reja ligjore në ligjin "Për planifikimin dhe zhvillimin e territorit". Ajo që bie në sy në këtë projektligj është fakti se propozohet që këshillave bashkiakë t'u hiqet e drejta për të rikthyer për shqyrtim te kryetari i bashkisë, Planet e Detajuara Vendore. Në ndryshimet e propozuara në draftin që ministrja e Zhvillimit Urban, Eglantina Gjermeni u ka nisur drejtuesve të dikastereve të tjera për mendim, ka marrë një përgjigje negative nga Ministria e Drejtësisë. Kolegu i saj, Ylli Manjani, në shkresën e kthimit të përgjigjes që disponon "Gazeta Shqiptare", këto ndryshime i cilëson: "Një non sens juridik, logjik dhe demokratik, duke cënuar jo vetëm autonominë vendore, por edhe parimet kushtetuese". Kjo shënon edhe përplasjen e dytë mes këtyre dy ministrave të koalicionit qeverisës PS- LSI, pasi përplasja e parë ishte për projektvendimin "Për përcaktimin e rregullave të legalizimit të objekteve me shkelje të lejes së ndërtimit dhe të objekteve shumëkatëshe pa leje". mosh me ligj që për projektligjet që Këshilli i Ministrave propozon, Kuvendi thjesht t'i miratojë, pa pasur mundësinë t'i konsultojë me aktorët e interesuar apo të propozojë ndryshime në to. 2.5 Për këtë arsye, parashikimet që lidhen me këtë çështje në projektligj ( neni 3 dhe neni 5, që propozon shfuqizimin në nenin 22 të ligjit, të pikave 10 dhe 11, që normojnë të drejtën e këshillit të njësisë së qeverisjes vendore për të monitoruar procesin e miratimit të PDV- së, për të garantuar respektimin e procedurave ligjore për miratimin e saj, dhe në rast se konstaton mangësi apo shkelje, për ta kthyer PDV- në për rishqyrtim nga kryetari i njësisë së qeverisjes vendore, brenda 60 ditëve nga miratimi i saj), përbëjnë një non sens juridik, logjik dhe demokratik, duke cenuar jo vetëm autonominë vendore, por edhe parimet kushtetuese", argumenton ministri i Drejtësisë Manjani, në përgjigjen drejtuar koleges Gjermeni. Në përfundim të shkresës, ai kërkon rishikimin e nismës së projektit.