Pezullimi i mësimit, Gjini: Në mars nis zëvendësimi i orëve të humbura
Drejtoresha e Arsimit Parauniversitar në MAS: Do ketë 2- 3 orë shtesë në javë për rikuperimin e orëve Malaj: S'do bëhet mësim të shtunave, por ditë jave
Nxënësit e arsimit parauniversitar deri në datën 16 janar, kur pritet të rinisë mësimi, humbin 9 ditë mësimore. Zëvendësimi i këtyre orëve, sipas drejtuesve të Ministrisë së Arsimit pritet të nisë në muajin mars, por nuk do të preken ditët e pushimit, pasi do bëhet gjatë ditëve të shkollës, pra mësuesit nuk do dalin në punë të shtunave. Në një dalje publike ditën e djeshme lidhur me pezullimin e mësimit, zëvendësministrja e Arsimit, Nora Malaj dhe Drejtoresha e Arsimit Parauniversitar në MAS kanë garantuar se orët e humbura do të zëvendësohen.
ZËVENDËSIMI
Ministria e Arsimit ka hartuar një plan konkret mbi mënyrën se si do të bëhet zëvendësimi i orëve të mësimit të parealizuara për shkak të mbylljes së shkollave nga moti i keq nga data 3 janar deri më datë 14 janar. Sipas zv. ministres së Arsimit, Nora Malaj, është ngritur grupi i punës nga ministria në bashkëpunim me drejtoritë rajonale arsimore.
"Është bërë një plan konkret se si do të veprohet, por ende nuk është marrë një vendim i plotë. Në bazë të programit, secila shkollë do të llogarisë orët e humbura dhe sipas një grafiku do të bëhet zëvendësimi i tyre; ky zëvendësim do të shtrihet përgjatë tërë vitit. Secila shkollë do të përgatisë një program të plotë, pra një grafik se si do të bëjë të mundur zëvendësimin e orëve të humbura të mësimit, të cilin do t'ia dërgojë më pas Ministrisë së Arsimit. Aktualisht, grupet e punës të ngritura nga MAS- i në bashkëpunim me drejtoritë rajonale janë në terren duke vëzhguar situatën", - tha zv. ministrja Malaj. "Kjo nuk është situata e parë e menaxhuar. Kemi eksperiencën për t'u ardhur në ndihmë nxënësve dhe mësuesve. Nuk ka problematikë me realizimin e procesit mësimor. Drejtoritë Arsimore kanë marrë masat për realizimin e kalendarit shkollor", - ka thënë Malaj. Ndërsa, Drejtoresha e Arsimit Parauniversitar në MAS, Zamira Gjini ka deklaruar se, zëvendësimi i orëve do të nisë nga muaji mars e deri në fund të vitit shkollor. "Zëvendësimi i orëve të humbura do të fillojë të zëvendësohet nga muaji mars deri në fund të