Tahiri, INTERPOL- it: Anuloni urdhër- arrestin për Haradinajn
Ndalimi i Haradinajt, Leskaj: I papranueshëm, pengon dialogun Serbi- Kosovë “Arrestimi i kreut të AAK cenon parimet e drejtësisë”
Qeveria shqiptare inten sifikoi dje përpjekjet për lirimin sa më të shpejt të kreut të AAK- së, Ramush Haradinaj. Ministri i Punëve të Brendshme, Saimir Tahiri, përmes një letre dërguar sekretarit të përgjithshëm të INTERPOL- it, Jurgen Stock, kërkon rishqyrtimin dhe rivlerësimin e urdhër- arrestit ndërkombëtar për kreun e AAK- së, Ramush Haradinaj, i cili mbahet në paraburgim në Paris të Francës që prej 4 janarit. Duke i kujtuar se Haradinaj është udhëheqësi i luftës së Kosovës kundër gjenocidit serb, ministri Tahiri shton se zbatimi i urdhër- arrestit cenon parimet themelore të drejtësisë penale, si edhe të drejtat e njeriut. “Gjykimi dy herë për të njëjtën vepër penale është në kundërshtim të hapur me këto parime dhe në shkelje të të drejtave të njeriut, si dhe në këtë rast, një precedent që bie ndesh me të drejtën ndërkombëtare”, shkruan ministri. Edhe nënkryetarja e Kuvendit, Valentina Leskaj i dërgoi dje një letër presidentit të Asamblesë Parlamentare të KiE- s, Pedro Agramunt, lidhur me arrestimin e kreut të AAK- së, Ramush Haradinaj. Duke u shprehur se një veprim i tillë është i papranueshëm, Leskaj shprehet se ky rast përbën një shkelje flagrante të të drejtave themelore të njeriut. Sipas Leskajt, kryetari i AAK- së, bazuar në vendimet e të dy Dhomave të Tribunalit të Hagës për ish- Jugosllavinë, është liruar nga çdo akuzë e përpara vitit 2004, “për rrjedhojë, ky ndalim është i paligjshëm dhe absurd”. Në letrën drejtuar presidentit të Asamblesë Parlamentare të KiE- s, Leskaj thekson se një veprim i tillë dëmton dialogun Serbi- Kosovë. “Personalisht mirëpres një reagim dhe qëndrim të KiE- s si dhe kontributin e saj për lirimin e menjëhershëm të z. Haradinaj dhe sensibilizimin e të gjitha vendeve anëtare për mospërsëritjen e precedentëve të tillë në të ardhmen”, thekson Leskaj. Kryeministri i Serbisë, Aleksandar Vuçiç ka kërkuar ekstradimin e liderit të AAK- së, Ramush Haradinaj, i arrestuar nga policia franceze. Ai tha se ligji sundon mbi politikën dhe këtë e vërtetoi arrestimi i Haradinajt në Francë. “Ne kemi të bëjmë me një njeri, të cilit nuk i numërohen veprat penale. Askush nuk ka të drejtë të dëmtojë vendimin e zyrës së prokurorit të pavarur”, tha z. Vuçiç.