Gjykimi dy herë për të njëjtën vepër penale, shkelje e të drejtave të njeriut

I nderuar sekretar i përgjithshëm i Interpolit, z. Jurgen Stock,

Së pari, më lejoni që në emrin tim personal dhe në emër të institucionit që unë drejtoj, të shpreh konsideratën më të lartë për punën tuaj si dhe t’ju falënderoj për bashkëpunimin e shkëlqyer më Policinë e Shtetit shqiptar gjatë vitit të kaluar. Z. Haradinaj, subjekt i këtij urdhër- arresti është hetuar, gjykuar dhe gjetur i pafajshëm nga Gjykata për Krimet e Luftës në Ish- Jugosllavi, me seli në Hagë, një autoritet gjyqësor ndërkombëtar i posaçëm, që ka marrë një vendim për pafajësinë e tij, pas një procesi të gjatë e të drejtë, në përputhje me të gjitha normat ndërkombëtare të drejtësisë penale. Gjykimi dy herë për të njëjtën vepër penale është në kundërshtim të hapur me këto parime dhe në shkelje të të drejtave të njeriut, si dhe në këtë rast, një precedent që bie ndesh me të drejtën ndërkombëtare.

1- Në këtë urdhër- arrest, z. Ramush Haradinaj konsiderohet ende shtetas i Republikës Federative të Serbisë dhe Malit te Zi, entitet shtetëror i cili ka pushuar së ekzistuari që në vitin 2006.

2- Më lejoni gjithashtu t’ju rikujtoj se personi subjekt i urdhër- arrestit ndërkombëtar në datë 6 qershor 2005 është ndaluar më parë nga autoritetet sllovene, bazuar në të njëjtin urdhër- arresti dhe është liruar menjëherë, pasi autoritetet e kanë konsideruar atë si të pazbatueshëm.

3- Është e nevojshme gjithashtu të rivlerësohet nëse urdhër- arresti ndërkombëtar plotëson kriteret e përcaktuara nga neni 3 i Kushtetutës së INTERPOL nga Konventa Evropiane për Ekstradimin. I nderuar z. Stock, Në rrjedhojë sa shkrova më lart më lejoni që t’ju kërkoj zyrtarisht rishqyrtimin dhe rivlerësimin e urdhër- arrestit ndërkomëbëtar nr. 2005- 18986, datë 6.6.2005 ndaj z. Ramush Haradinaj për ta hequr këtë urdhër- arresti përfundimisht nga sistemi e ASF.

Samir Tahiri, ministër i Punëve të Brendshme