Nishani: Krimi rrezikon zgjedhjet
Kreu i shtetit, pritje me gazetarët: Përgjegjësi dhe vlerësim, jeni target i sfidave “Mediat të denoncojnë rastet kur krimi influencon zgjedhjet”
Kreu i shtetit, Bujar Nishani, mblodhi mbrëmë në Pallatin e Brigadave përfaqësues të mediave në vend, por edhe nga Kosova e Maqedonia, të cilëve u kujtoi përgjegjësitë e pushtetit dhe targetin e sfidave të ndryshme. Por, para njerëzve të mediave, Presidenti Bujar Nishani ngriti shqetësimin se grupe të caktuara të krimit do të tentojnë të influencojnë në zgjedhjet e ardhshme parlamentare. Ai foli për mundësinë e përfshirjes së personave të inkriminuar në fushatën për zgjedhjet e ardhshme. Në një situatë të tillë, z. Nishani i bëri thirrje politikës që me përgjegjësi të adresojë këtë sfidë. “Ndaj shqetësimin tim, pasi evidenca serioze tregojnë se grupe të caktuara të krimit do të tentojnë të influencojnë në zgjedhjet e ardhshme parlamentare dhe ky është një problem që duhet të na preokupojë të gjithëve. Në radhë të parë, u bëj thirrje partive politike, lidershipit politik që me përgjegjësinë që kanë të adresojnë me shumë kujdes këtë sfidë të madhe, sepse krimi dhe bota e krimit i dëmton, i kërcënon dhe i prek të gjithë. Krimi nuk ka ngjyrim, ai është i zi dhe kthehet në një dëm të madh për këdo. Prandaj është përgjegjësi e politikës për të adresuar me shumë seriozitet këtë çështje”, deklaroi z. Nishani. Ndërsa i bëri thirrje politikës që të adresojë me shumë kujdes këtë sfidë, gazetarëve u kërkoi që të denoncojnë rastet kur krimi influencon në jetën politike. “Por nga ana tjetër, media të monitorojë dhe të denoncojë çdo tentative që bota e krimit të influencojë në të ardhmen tonë. Le të dalim nga retorika, të shkojmë drejt realitet dhe më mirë sesa njerëzit e medias, që për shkak të aktivitetit të tyre kanë të mundur të prekin këtë realitet nga afër”, u shpreh kreu i shtetit, Bujar Nishani. Në pritjen e organizuar për mediat, Presidenti Nishani përmendi rëndësinë e pushtetit të medias në jetën politike e sociale të vendit, duke u shprehur se sfidat me të cilat përballet media janë nga më të ndryshmet. “Ju shpreh falënderimet për këtë punë dhe kontribut të madh që jepni për shoqërinë, qytetarët dhe shtetin. Gjej rastin të uroj një vit sa më Kreu i shtetit, Bujar Nishani i bëri thirrje politikës që të adresojë me shumë kujdes këtë sfidë, ndërsa gazetarëve u kërkoi që të denoncojnë rastet kur krimi influencon në jetën politike. të mbarë, me dinamikën që ju karakterizon dhe me produktin shumë të rëndësishëm që realiteti shqiptar, qytetarët shqiptarë, jeta politike e sociale, e përditshmja e të gjithë aktorëve të shoqërisë pret nga bota e medias. Presidenti i Republikës nuk është një pushtet, është një institucion, juve jeni një pushtet. Dhe duke qenë një pushtet, keni kontribute të jashtëzakonshme në kontekstin e të qenit një pushtet, ashtu siç keni edhe përgjegjësitë e mëdha në raport me shoqërinë. Ashtu siç meritoni të keni edhe vlerësimet në kontekstin e të qenit një pushtet. Duke qenë një pushtet, mbeteni edhe një target i sfidave të ndryshme, si çdo pushtet tjetër. Edhe ju atakoheni, tentojnë që disa të bëhen pjesë e pushtetit të medias për të defor- muar herë- herë pjesë të pushtit të medias. I gjithë ky angazhim i juaji është në syrin, veshin e mendjen në tërësi të opinionit”, deklaroi z. Nishani. Ai përmendi se, “si kudo në botë, dimensioni i medias ka dimensionin e madh të orientimit të shoqërisë. Sipas tij, një shoqëri është me fat kur pushteti i medias udhëhiqet dhe në tërësinë e tij përbëhet nga njerëz profesionistë, që besojnë në vlerat e lirisë, kontribuojnë në konsolidimin e vlerave të demokracisë dhe ruajnë vlerat e integriteti që duhet të ketë një shoqëri”. Presidenti i Republikës, Bujar Nishani deklaroi se pushteti i katërt përballet me shumë sfida, ndërsa institucionet duhet të gjejnë mënyra për t’i mbështetur. Për Nishanin, media është një aktor i rëndësishëm në procesin e integrimit të vendit, pasi përfaqëson një kapacitet të rëndësishëm intelektual. Ndërsa, përsa i përket vitit që lamë pas, Nishani vlerësoi disa ngjarje historike, mes tyre shenjtërimin e Nënë Terezës dhe përfaqësimin e Shqipërisë në Kampionatin Europian të Francës.