Bylykbashi: Numërim elektronik që në votimet e qershorit

PD: Teknologjia zgjidh probleme

Partia

Demokratike nuk tërhiqet, ndërsa e vendos kusht implementimin e votimit dhe numërimit elektronik. Komisioni parlamentar për Reformën Zgjedhore gjeti dje dakordësinë mbi procedurën që do ndiqet për ndryshimet në Kod. Ekspertë e kampeve politike do të hartojnë propozimet për t’i kthyer në amendamente ligjore, nga ku do të nisë dhe diskutimi politik i tyre. “Kjo është çështje themelore, teknologjia në votim do të zgjidhë një numër të madh çështjesh thelbësore të standardeve të zgjedhjeve. Por, është e qartë që mazhoranca ka bërë çmos për ta vonuar deri në këtë fazë, për të thënë nuk ka më kohë. Justifikimin me kohë nuk ia pranojmë mazhorancës”, deklaroi z. Bylykbashi. Në një prononcim për mediat, Bylykbashi akuzoi mazhorancën për vonesa. Lidhur me votimin elektronik, ai theksoi se kjo është një tjetër çështje thelbësore dhe nuk do të pranohen justifikimet e mazhorancës. “Çështja e standardeve është themelore për zgjedhjet, është çështje primare për shqiptarët. Duhet bëhet çmos që këto standarde të garantohen për zgjedhjet e vitit 2017. Ne ngulim këmbë që nuk mund të jetë një trajtim selektiv i çështjeve. U ra së paku dakord që ekspertët të përgatisin një listë të çështjeve që janë për t’u diskutuar që të rikuperojmë kohën që është humbur për shkak të heqjes së këmbës zvarrë nga mazhoranca. Nuk do lëmë asnjë çështje thelbësore për opozitën të ngelet jashtë. Teknologjia në votim është thelbësore, do të zgjidhë një numër çështjesh që kanë të bëjnë me standardet. Justifikimet me kohën nuk ia pranojmë më mazhorancës”, deklaroi ai.