Elbasan, rrihet me leva pas koke biznesmeni i gurores
Hetimi/ Shkak ndërtimi i një kanali në zonë, në kërkim autori Ylli Salla dërgohet në spital i gjakosur
Një biznesmen në El basan ra pre e dhunës duke pësuar dëmtime fizike. Ngjarja ka ndodhur gjatë natës të së dielës në Labinot- Fushë, në biznesin e Ylli Sallës, raporton "BalkanWeb". Ka qenë një person i vetëm që ka shkuar në ambientet e biznesit të tij dhe e ka rrahur barbarisht, duke e goditur me levë në kokë e duke e lënë pa ndjenja. Menjëherë pas kësaj, autori është larguar prej andej duke u shpëtuar forcave të policisë. Biznesmeni është gjetur i plagosur dhe i mbuluar me gjak nga punonjësit. Më pas, biznesmeni i gurores, Ylli Salla është transportuar në Spitalin Kirurgjik të Elbasanit me plagë në kokë, ku po mbahet nën terapi intensive nga ana e bluzave të bardha.
Sipas mjekëve, plagët e marra janë shkaktuar nga goditja me mjete të forta, por fatmirësisht ai tashmë ndodhet jashtë rrezikut për jetën. Mësohet se nuk është hera e parë që ai është përfshirë në konflikte të drejtpërdrejta. Salla, i njohur për veprimtarinë e tij në biznesin e karburanteve, mermerit dhe guroreve, pritet të sqarojë për policinë rrethanat e ngjarjes, ndërkohë që policia në njoftimin zyrtar lë të kuptohet se ka identifikuar dhunuesit e biznesmenit, teksa citon se po punohet për ndalimin e tij. Sipas policisë, autori i ngjarjes ka qenë një person i vetëm, ndërsa janë duke punuar për kapjen e tij. "Njoftohemi se në fshatin Labinot- Fushë, një shtetas, gjatë një konflikti për motive të dobëta dyshohet të ketë goditur me sende të forta shtetasin Y. S., i cili është dërguar për ndihmë mjekësore në Spitalin Kirurgjik Elbasan dhe ndodhet jashtë rrezikut për jetën. Policia ndodhet në vendngjarje dhe po punon për kapjen e autorit dhe zbardhjen e plotë të rrethanave të ngjarjes", thuhet në njoftimin zyrtar të Policisë së Elbasanit. Ndërkaq, "TV Klan" raportoi se ngjarja ndodhi për shkak të një konflikti që lidhet me ndërtimin e një kanali të ujërave të zeza të zonës, që kalon përmes banesave në fshatin Labinot- Fushë, fare pranë banesës së tregtarit. Autor i dyshuar është punonjësi i një kompanie ndërtuese që po punonte në këtë zonë.
15 ditëve
"Njoftohemi se në fshatin LabinotFushë, një shtetas, gjatë një konflikti për motive të dobëta dyshohet të ketë goditur me sende të forta shtetasin Y. S., i cili është dërguar për ndihmë mjekësore në Spitalin Kirurgjik Elbasan dhe ndodhet jashtë rrezikut për jetën." Ministria e Energjisë dhe Industrisë shpall kërkesën për shpronësim me interes publik të pasurive të paluajtshme të llojit “toke bujqësore arë” që preken nga
“NDËRTIMI I NËNSTACIONIT 110/ 20 KV FUSHË KRUJË”.
Subjekti kërkues i këtij shpronësimi është : “OSHEE” SH. A TIRANË. Me anën e këtij publikimi në shtyp, kërkojmë të vëmë në dijeni personat që preken nga ky shpronësim. Vënia në dijeni konsiston në sipërfaqen e pasurisë që shpronësohet, pasurisë që dëmtohet dhe masën e kompensimit përkatës të llogaritur nga Komisioni i Posaçëm i Shpronësimit pranë Ministrisë së Energjisë dhe Industrisë për secilin pronar sipas listës emërore të mëposhtme.
Brenda nga data e fundit e publikimit, personat që kanë emrin në listën emërore kanë të drejtën të paraqesin pretendimet e tyre të shoqëruara me dokumentet përkatëse pranë Komisionit të Posaçëm në Ministrinë e Energjisë dhe Industrisë.