Përgjaket sërish deti Mesdhe, 100 viktima
Trupat e emigrantëve janë zhdukur, mbijetuan vetëm 4 Anija e nisur nga Libia kishte destinacion Italinë
Deti Mesdhe është përgjakur sërish ditën e djeshme, teksa janë shënuar 100 viktima. Një tjetër varkë e papërshtatshme për lundrim është mbytur gjatë rrugëtimit nga brigjet e Libisë drejt Italisë përmes Mesdheut. Sipas Rojës Bregdetare italiane, e cila po zhvillon kërkimet, 8 trupa janë rikuperuar nga ujërat e detit Mesdhe, ndërsa 4 persona janë shpëtuar të gjallë. Dyshohet se apelit i mungojnë edhe 100 pasagjerë, që rezultojnë të zhdukur. Varka është mbytur mes Libisë dhe Italisë, vetëm 30 milje ( 50 km) larg brigjeve të shtetit afrikan, ndërkohë që errësira i vështirësoi përpjekjet për kërkimin dhe shpëtimin e viktimave. Në kërkime janë përfshirë një anije detare franceze, dy anije tregtare, teksa ka edhe mbështetje nga ajri. Ende nuk është bërë e ditur kombësia e emigrantëve të përfshirë në tragjedinë më të fundit detare. Numri i emigrantëve që udhëtojnë drejt Europës nga toka ka rënë që prej pikut të krizës së tyre në fund të vitit 2015, por rrugët e paligjshme detare mbeten ende tejet të synuara dhe tejet të rrezikshme gjithashtu. Të premten, Roja Bregdetare italiane shpëtoi rreth 550 emigrantë që udhëtonin sërish përmes Mesdheut. Sipas mediave italiane: “Rreth 550 emigrantë janë shpëtuar në pjesën qendrore të Detit Mesdhe, në katër operacione të ndryshme shpëtuese, të koordinu- Më shumë se 1.000 persona kanë mbërritur në Europë përmes detit në dy javët e para të vitit 2017- ës, përllogarit agjencia e OKB- së për refugjatët “UNHCR”. Në vitin 2016, UNHCR- ja njoftoi se 5.000 emigrantë kishin vdekur në përpjekjet e tyre për të mbërritur në Europë.
ara nga roja bregdetare”. Emigrantët kishin udhëtuar me katër gomone. Në operacione kanë marrë pjesë dy lundruese të Rojës Bregdetare, anija “Betika” e forcave detare italiane, anija tregtare “Akuarius” dhe anija e organizatës joqeveritare “SOS Mesdheu”. Ndërsa pranë brigjeve të Libisë, dy ditë më parë janë shpëtuar edhe 800 refugjatë. Ata po udhëtonin me varka nga brigjet e Libisë dhe trafikantët përfitojnë nga koha e ftohtë me mjegull për të kaluar pa u vënë re nga policitë e vendeve europiane. Anija e rojeve bregdetare italiane dhe dy anije të shoqatave humanitare arritën të shpëtojnë gjashtë varka të mbushura plot, që rrezikonin përmbytjen në ujërat ndërkombëtare pranë brigjeve të Libisë. Organizata “Mjekët pa kufij”, e përfshirë në kërkim- shpëtim tha se në një rast kishte gjetur 123 persona të mbajtur pas një gomoneje, e cila nuk mund të mbushej me ajër. Më shumë se 1.000 persona kanë mbërritur në Europë përmes
detit në dy javët e para të vitit 2017, përllogarit agjencia e OKB- së për refugjatët “UNHCR”. Përpara këtij incidenti thuhej se 11 persona kishin gjetur vdekjen në këto udhëtime të rrezikshme. Në vitin 2016, ndërkohë, UNHCR- ja njoftoi se 5.000 kishin vdekur në përpjekjet e tyre për të mbërritur në Europë. Libia është kthyer në një parajsë për trafikantët e qenieve
njerëzore, për shkak të problemeve mes qeverisë dhe grupeve të armatosura, që nuk u lënë kohë autoriteteve të kontrollojnë edhe detin. BE ka nënshkruar marrëveshjen me Turqinë për të penguar kalimin e emigrantëve ilegalë në Greqi e më pas në vendet e Unionit, por kjo marrëveshje nuk mund të nënshkruhet edhe me Italinë për shkak të mungesës totale të ndikimit qeveritar në Libi.