Armando Prenga nuk përfiton nga amnistia
Nëse do ishte qytetar i thjeshtë, do t'i hiqeshin akuzat "Plagosje e lehtë me dashje" dhe "Kanosje" Është funksionar publik e subjekt i ligjit "Për dekriminalizimin"
Ish- deputeti i Partisë So cialiste, Armando Pren ga nuk përfiton nga amnistia. Burime të sigurta të "Gazeta Shqiptare" bënë me dije se Prenga nuk përfiton nga ligji "Për dhënie amnistie" për shkak se është funksionar publik dhe subjekt i ligjit "Për dekriminalizimin". Por, nëse Prenga do të ishte një qytetar i thjeshtë, mësohet se atij do t'i amnistoheshin dy nga tri veprat penale për të cilat ai akuzohet. Deputeti i përjashtuar nga Partia Socialiste u arrestua në lidhje me ngjarjen e ndodhur përpara komisariatit të Kurbinit, pas një përleshjeje mes pjesëtarëve të fisit Prenga dhe fisit Cali për shfrytëzimin e Lagunës së Patokut. Për këtë ngjarje, të ndodhur në 2015- ën, Prenga u akuzua për tri vepra të ndryshme penale. Konkretisht për "Prodhim dhe mbajtja pa leje të armëve luftarake", "Plagosjes së lehtë me dashje" dhe "Kanosjes". Kështu, nëse Prenga do të ishte qytetar i thjeshtë, do të amnistohej për dy akuzat, si: "Plagosje e lehtë me dashje" dhe "Kanosje", por nuk do të amnistohej për akuzën e tretë të armëmbajtjes pa leje. Kjo gjë është e parashikuar edhe në pikën 3 të nenit 6 te ligji për amnistinë. "Nuk përfitojnë nga ky nen të gjithë personat, të cilët mbajnë apo kanë mbajtur një funksion publik dhe që janë subjekt i ligjit nr. 138/ 2015 "Për garantimin e integritetit të personave publike", të ndryshuar. Per-
sonat funksionarë publikë, të cilët ndiqen penalisht për çështjet në hetim, për çështjet e pashqyrtuara ose në proces shqyrtimi nga gjykatat, si dhe për kallëzimet që ndodhen në këto organe, pavarësisht nga data e regjistrimit të tyre për veprat penale të kryera deri në datën 25 dhjetor 2016, do të vazhdojnë t'i nënshtrohen ndjekjes penale duke u hetuar dhe gjykuar, pavarësisht parashikimeve të këtij neni", thuhet në pikët 3 të nenit nr. 6.
PËRPLASJA
Ngjarja për të cilën u akuzua Armando Prenga ndodhi në datat 4 dhe 5 shtator të vitit 2015. Sipas prokurorisë, rreth orës 22: 30 të 4 shtatorit, deputeti Armando Prenga ka shkuar te lokali i shtetasit Gjok Cali, ndodhur në Lagunën e Patokut dhe te dera e lokalit është kontaktuar me djalin e tij, Dorian Cali dhe nipin Julian Cali, me të cilët ka debatuar. Dy të rinjtë kanë informuar Gjok Calin për çfarë kishte ndodhur dhe ai ishte nisur në drejtim të lokalit. Rrugës, në Fushë- Kuqe, rezulton se Prenga është përballur me Gjok Calin, ku sipas pretendimeve të këtij të fundit, deputeti ka nxjerrë pistoletën, e ka goditur në kokë me qytën e saj dhe ka qëlluar me "Nuk përfitojnë nga ky nen të gjithë personat, të cilët mbajnë apo kanë mbajtur një funksion publik dhe që janë subjekt i ligjit nr. 138/ 2015 "Për garantimin e integritetit të personave publike", të ndryshuar, thuhet në pikët 3 të nenit nr. 6 te ligji për amnistinë.
të një herë në ajër. Për këtë ngjarje, Gjok Cali ka njoftuar policinë dhe është shoqëruar nga një makinë e uniformave blu për në ambientet e komisariatit. Gjok Cali ka hyrë brenda ambienteve të tij për të bërë kallëzim penal, ndërsa shtetasit që e shoqëronin kanë qëndruar në pritje të tij jashtë ambienteve të këtij komisariati. Gjatë kësaj kohe, para komisariatit të policisë ka ardhur deputeti Armando Prenga, i shoqëruar nga vëllai i tij, Edmond Prenga dhe nga personi me të cilin kishin lidhje shoqërore, Gazmir Jushi etj. Këta shtetas kanë filluar të konfliktohen fizikisht dhe më pas deputeti Armando Prenga ka përdorur armë zjarri tip pistoletë. Nga të shtënat me pistoletë është plagosur në këmbë Tom Cali. Gjithashtu, gjatë këtij konflikti janë përdorur edhe armë të ftohta dhe kanë mbetur të dëmtuar Gazmir Jushi, Eduart Prenga, Gjergj Cali, Gjok Cali dhe Nikoll Cali.