Votimi elektronik, Rama: Aventurë e parealizueshme
Kryeministri i kthen përgjigje opozitës: Në opozitë kërkuam identifikim të zgjedhësve "Nëse OSBE- ODIHR e pranon, pse jo!"
Kryeministri Edi Rama e cilësoi "aven turë" realizimin e votimit elektronik, në këto zgjedhje. Pas kërkesës së opozitës, kreu i qeverisë e cilësoi këtë kërkesë si një alibi të opozitës për humbjen e radhës. Sipas Ramës, është e pavërtetë që votimin elektronik e ka kërkuar PS kur ishte në opozitë. "E vërteta është se ne nuk kemi kërkuar asnjëherë votim elektronik. Kemi kërkuar vetëm identifikim elektronik te zgjedhësve në QV dhe numërim elektronik të votave. E kjo është lehtësisht e verifikuueshme. Nuk e kemi kërkuar kurrë votimin elektronik, sepse askush, asnjë ekspert apo njohës i praktikave të mira elektorale nuk na e ka këshilluar asnjëherë. Përkundrazi, na kanë rekomanduar të heqim dorë nga kjo ide sa herë kemi pyetur dhe prandaj as nuk e shtruam ndonjëherë si kërkesë votimin elektronik", sqaroi ai. E pavërteta e dytë, sipas kryeministrit është se "numërimi elektronik qenka një kollajllëk i madh dhe vetëm vullnet politik u dashka". "Ja pra që ne e patëm këtë vullnet atëherë, por e vërteta është se me qeverinë e vjetër ramë dakord që të mjaftoheshim në 2013- ën vetëm me dy projekte pilot, një për Tiranën e një për Fierin. Dhe kjo jo se u tërhoqëm nga ndonjë presion apo se s'kishim fuqi ta vinim si kusht të panegociueshëm e t'i binim murit me kokë! Por thjesht sepse pasi dëgjuam edhe për këtë, ekspertë e njohës ndërkombëtarë të kësaj fushe, edhe përtej atyre të OSBE/ ODHIR- it që ishin kategorikisht kundër, kuptuam se ishte një aventurë shumë e rrezikshme po të bëhej menjëherë në gjithë Shqipërinë, edhe sikur të pranonte pala tjetër", sqaroi Rama. E pavërteta e tretë tha ai është se, "zgjidhjen magjike të elektronizimit të procesit zgjedhor nuk e dashkam unë apo Partia Social-
iste". "E vërteta është se as unë s'kam dhe s'kam si të kem asnjë problem në parim me gjithë këtë revolucion digjital, as Partia Socialiste s'ka dhe s'ka di të ketë kundërshtim për ta mbështetur një
revolucion te tillë, nëse do të kishim fakte e garanci të plota se pengesat që nuk u kapërcyen dot në 2013- ën, mund të kapërcehen në qershor të këtij viti", tha Rama. "Nuk çuditem që OSBE/ ODHIR- i po rishpallen armiq nga opozita, pse nuk e përkrahin një aventurë të këtyre përmasave", tha kryeministri. "Qeveria nuk mund të marrë përsipër të japë, në këto kushte, dakordësinë për një aventurë të cilës nuk i dihet fundi ose më saktë, e cila me të dhënat e me mundësitë e sotme, ka vetëm një fund: dësh- "Këtë pohim prej amatori profesionist nuk ua ka deleguar asnjërit prej dallëndysheve të Rilindjes, por e ka stërholluar vetë me laps, me bojë e kartë. Pasi nuk bëri zgjedhje për shtatë vjet si kryetar i Rilindjes, thotë se votat e tyre do t'i numërojë vetë, pasi makina elektronike gabon më shumë se çdo numërues batakçi", tha Blushi.
timin e sigurt të procesit zgjedhor", u shpreh Rama. "Le ta ndërmarrë menjëherë Komisioni i Reformës Zgjedhore një proces eksplorimi dhe le të thërrasë e të dëgjojë këdo, që mbi bazën e një eksperience të suksesshme në këtë fushë, mund t'i paraqesë Shqipërisë një plan konkret, të faktuar e të garantuar, për të hedhur një hap në këtë drejtim. E nëse një ofertë serioze i vihet përpara Komisionit të Reformës Zgjedhore dhe siguron opinionin pozitiv të OSBE/ ODHIR- it, atëherë pse jo!", tha Rama.