Mjeku: Pse lashë Tiranën për të punuar në Shkodër
Kardiologu: Bonusi, një stimul, profesionistët të mos gënjehen nga dritat e kryeqytetit Dragusha: Këtu marr kënaqësi nga puna që bëj
Ai kishte mundur të siguronte një punë në shtet e po ashtu edhe në një spital privat. Mjeku kardiolog, Luan Dragusha dukej se kishte gjetur gjithçka në drejtim të anës profesionale, por pavarësisht kësaj, vendosi të largohet. Ai la "Tiranën me shumë drita" siç e quan ai, për të ikur në Shkodër e për t'u shërbyer banorëve të këtij qyteti. Gjashtë muaj pas këtij vendimi, duket se zgjedhja ka qenë e duhura: ai bën një punë që i jep kënaqësi çdo ditë, ndërkohë që pajisja e koronarografisë që ndodhej në këtë qytet ka filluar të funksionojë. Pasi përfitoi nga vendimi i qeverisë, sipas të cilit përveç pagës mujore, merret edhe një bonus prej 100 mijë lekësh të reja, kardiologu tregon në këtë intervistë, dhënë për "Gazeta Shqiptare" se ndjehet tërësisht i kompletuar.
Doktor, pse vendosët që të shkoni në Shkodër për të punuar si mjek kardiolog?
Unë në radhë të parë jam shkodran. Jam nga ata shkodranët e vjetër dhe gjithë të afërmit i kam në Shkodër. Pavarësisht se në spitalet private bëhet mjekësi, mendova se në Shkodër do të merrja më tepër sadisfaksion nëse do të trajtoja njerëzit e mi. Ka shumë që thonë se e duan vendin e tyre, por gjithsesi ikin. Ndoshta këtë vendim e marrin për arsye ekonomike, por unë nuk jam në atë nivel ekonomik për të ikur jashtë. Për mua ka më tepër rëndësi marrja e sodisfaksionit kur mjekoj njerëzit e qytetit tim.
Ju kur ishit në Tiranë, ku punonit?
Punoja te Spitali i Zemrës dhe në një spital privat.
Sa ju ndihmoi bonusi i vendosur nga qeveria për të marrë këtë vendim?
Shtysa e parë ishte pikërisht bonusi që ka vendosur qeveria për mjekët që vendosin të punojnë në rrethe. Me përfitimin e tij, unë shkoj në një nivel të mirë page. Pra, nuk jam në nivelin e rrogave standarde të mjekëve. Ky stimul, sigurisht që më ndihmoi për ta marrë këtë vendim.
Çfarë studimesh keni përfunduar?
Unë shkollën e lartë dhe specializimin i kam mbaruar në Tiranë, por kam bërë Pak kohë më parë, rektori i Universitetit të Mjekësisë, Tiranë Arben Gjata ka deklaruar për "GSH" se nga Shqipëria po ikin më shumë mjekë sesa dalin nga ky institucion. "Na ikin 200 mjekë të rinj, në një kohë që ne po kaq mjekë diplomojmë në Fakultetin e Mjekësisë. Nga të dhënat rezulton se në dy vitet e fundit kanë ikur 400 mjekë, për të mos llogaritur infermierët, që edhe ata kanë një numër shumë të lartë", - tha Gjata. Sipas të dhënave të Ministrisë së Shëndetësisë, numri i mjekëve specialistë që kanë aplikuar për të punuar në spitalet rajonalë të rretheve është tejet i ulët. Kjo, pavarësisht faktit se mund të përfitojnë një bouns prej 100 mijë lekësh mbi pagën e tyre mujore. Megjithatë, MSH saktëson se aplikimi vijon të jetë i hapur dhe se të interesuarit mund të dorëzojnë dokumentacionin në çdo kohë pranë FSDKSH- së.