KOMISIONI
Komisioni për Veprimtarinë Prodhuese, Tregtinë dhe Mjedisin, u mblodh sot dhe shqyrtoi dy projektligje, atë “Për statusin e punonjësve të industrisë së naftës dhe të gazit”, nismë nga deputeti Omer Mamo, dhe projektligjin “Për statusin e punonjësve të industrisë së naftës dhe të gazit”, nismë e Këshillit të Ministrave. Të pranishëm në mbledhjen e Komisionit ishte deputeti Omer Mamo si nismëtar i projektligjit të parë dhe zëvendësministri i Energjisë dhe Industrisë, Ilir Bejtja. “Duke qenë se për mua si deputet i qarkut të Fierit është më e rëndësishme miratimi i kësaj nisme ligjore, sesa fakti se kujt do t’i ngelet autorësia, unë jap dakordësinë time të
plotë që t’i hapet rruga për një miratim sa më të shpejtë ligjit qeveritar. Besoj se siguria dhe garantimi i të drejtave të punonjësve të industrisë së naftës, e cila është një ndër pasuritë më të mëdha të vendit tonë, është tejet e rëndësishme për të gjithë deputetët e Kuvendit të Shqipërisë, pa ngjyrime apo dallime politike, dhe kërkoj nga ju miratimin sa më parë të nismës ligjore të
Këshillit të Ministrave, i cili besoj se do të nisë shqyrtimin direkt pas fjalës sime”, - tha Mamo.
DRAFTI
Rritje të pagës minimale, rritje të pensioneve e kontributeve dhe ulje të daljes së moshës së pensionit janë disa prej përfitimeve të reja që parashikohen në një projektligj të depozituar në Kuvend për punonjësit e sektorit në
naftës dhe gazit. Nisma që mban firmën e deputetit të PDIU- së Omer Mamo, synon të rregullojë statusin e punonjësve të industrisë së naftës së gazit. Një nga propozimet me të rëndësishme është ai që parashikon nivelin e pagës. Sipas projektligjit, paga minimale e naftëtarëve duhet të jetë sa 150 për qind e pagës minimale në shkallë vendi. Po ashtu, një propozim tjetër i rëndë-