Basha në Bruksel: Mbështetje për fitoren e PD- së në zgjedhje
Paralajmërimi për kandidatët për deputetë: Do shikohet e shkuara juaj komuniste “Presidenti Tajani dha ndihmë të madhe për Shqipërinë”
Kreu i opozitës, Lulzim Basha nga Uashing toni ku mori pjesë në ceremoninë e inaugurimit të presidentit të SHBA- ve, Donald Trump, udhëtoi për një vizitë zyrtare në Bruksel, ndërkohë që sot do të jetë në Berlin. Basha ishte i ftuar në Asamblenë Politike të Partisë Popullore Europiane, ndërsa u bëri thirrje ndërkombëtarëve që të mbështesin fitoren e PD- së në zgjedhjet parlamentare të 18 qershorit. Sipas tij, një nga qëllimet kryesore të takimit është bashkërendimi i aktiviteteve politike gjatë këtij viti, i cili për disa nga partitë anëtare është vit elektoral, përfshi CDU- në e Merkelit, republikanët francezë dhe Partinë Demokratike të Shqipërisë. “Nga Uashingtoni udhëtova drejt Brukselit, ku po marr pjesë në Asamblenë Politike të Partisë Popullore Europiane, familjes së partive të djathta europiane ku bën pjesë edhe Partia Demokratike. EPP, si partia më e madhe në Komisionin dhe Parlamentin Europian, luan një rol kyç në politikën e Bashkimit Europian. Një nga qëllimet kryesore të takimit është bashkërendimi i aktiviteteve politike gjatë këtij viti, i cili për disa nga partitë anëtare është vit elektoral, përfshi CDU- në e Merkelit, republikanët francezë dhe natyrisht PDSH. Familja jonë politike do të na ndihmojë dhe mbështesë fuqimisht për fitoren tonë në zgjedhjet e ardhshme. Në Asamblenë Politike të EPPsë në Bruksel, mirëpritëm dhe përgëzuam presidentin e ri të Parlamentit Europian, Antonio Tajani, i cili u zgjodh me propozim të grupit të EPP- së në Parlamentit Europian. Presidenti Tajani i ka dhënë një ndihmë të madhe Shqipërisë si zëvendëspresident dhe komisioner i Komisionit Europian. Ai më shprehu përkushtimin e tij për ta mbështetur Shqipërinë edhe nga kjo detyrë e re”, tha Basha. Por më herët, kreu i PD- së, duke
sqaruar edhe njëherë mënyrën e zgjedhjes së kandidatëve për deputetë, duke shfrytëzuar propozimet direkte të qytetarëve, theksoi se për të dhe forcën që drejton ndryshimi i politikës është jo vetëm jetik, por urgjencë kombëtare. Sipas tij, përballë mjerimit dhe dëshpërimit të njerëzve, politika ka premtuar shpesh reformim apo rilindje, por pak ka ndryshuar, sepse këto lëvizje nuk prekën
asnjëherë thelbin e problemit politik të vendit: pushtetin e pakufizuar në duart e pakicës. Z. Basha thekson se ashtu si 26 vite më parë, Partia Demokratike do t’i prijë këtij ndryshimi që kërkon koha: kthimit të pushtetit tek njerëzit. “Ndryshimin ajo po e fillon nga vetja. Para disa ditësh, ne nisëm përzgjedhjen e hapur të kandidatëve për deputetë nga vetë njerëzit. Demokratët dhe çdo qytetar “Presidenti Tajani i ka dhënë një ndihmë të madhe Shqipërisë si zëvendëspresident dhe komisioner i Komisionit Europian. Ai më shprehu përkushtimin e tij për ta mbështetur Shqipërinë edhe nga kjo detyrë e re”, deklaroi z. Basha.
tjetër mund të propozojnë përfaqësuesit e tyre në Kuvend. Mbi këto propozime do përzgjidhet lista e kandidatëve demokratë për deputetë, të cilët do t’i nënshtrohen një procesi të vetingut të figurës, profesionalizmit dhe të së shkuarës komuniste”, shkruan Basha. Kreu i PD- së premtoi se ky është vetëm hapi i parë i një kthese të madhe politike për Shqipërinë.