Edi Rama: Reforma të thella për të zhdukur korrupsionin
Kryeministri: 600 mijë shqiptarë do të marrin falas ilaçet Recetat elektronike do të aplikohen brenda pranverës
Kryeministri Edi Rama i qëndron idesë së tij se është sistemi që korrupton njerëzit dhe e kundërta. Gjatë një aktiviteti të organizuar nga Ministria e Shëndetësisë të titulluar “Barna falas për 600 mijë të pasiguruar”, Rama tha se për të shkulur korrupsionin duhen reforma të thella. “Nëse duam që të kemi më pak korrupsion, duhet të bëjmë reformë, dhe nëse duam që t’i shpëtojmë njerëzit nga kthetrat e korrupsionit, reformat duhen të jenë të thella. Është sistemi që ngrihet përmes reformave që e bën korrupsionin një ushtrim shumë të vështirë, në mos të pamundur, siç është rasti i recetës elektronike”, - deklaroi Rama. Duka lajmëruar futjen e recetës elektronike në të gjithë vendin, brenda pranverës, pas testimit që iu bë asaj në Durrës, Rama tha: “Është një sistem i ri që e bën të pamundur korrupsionin mes farmacive dhe zyrtarëve të korruptueshëm dhe të korruptuar në fond, pasi nuk ka më mundësi që të shkruhen me dorë sipas qejfit para që merren nga arka e shtetit, jo për të rimbursuar ilaçe të shitura, por për të rimbursuar ‘ ilaçe’ që nuk janë shitur kurrë, dhe që ndahen mes farmacistëve dhe zyrtarëve të korruptuar, siç ka ndodhur 20 e kusur vite”. “Kjo nuk do ndodhë më! E pra, është sistemi që e bën këtë të pamundur. Njerëzit janë po ata, të tundueshëm nga korrupsioni, nëse kanë mundësi që përmes korrupsionit të pasurohen në një mënyrë të shpejtë, apo përmes korrupsionit të marrin një shërbim më të shpejtë, një shërbim që përndryshe nuk e marrin dot”.
“600 mijë shqiptarë, nga fillimi i këtij viti do të marrin falas ilaçet nga gjithë lista e ilaçeve të rimbursueshme. Janë gra e burra, vajza e djem që nuk janë të siguruar, që janë në vështirësi dhe që deri dje duhej praktikisht të paguanin, edhe pse janë, pa dyshim, shtresa më e dobët dhe më e pambrojtur nga kjo pikëpamje”, - tha kryeministri dje. “Ndryshimet në sistemin shëndetësor, - argumentoi Rama, - i bën të gjithë qytetarët të barabartë në raport me aksesin në shërbimin shëndetësor për sa u përket ilaçeve. Kur them ‘ ilaçet’, nuk harroj që tanimë mjeku i familjes është falas. Nuk harroj që tanimë tarifat e shërbimit janë simbolike, në raport me çka ishin për të gjithë ata që janë të pasiguruar. Nuk harroj po ashtu, një sërë lehtësirash të tjera që kanë sjellë një ulje 25% nga viti 2014, në vitin 2015, sepse për 2016- ën do të duhet të
presim statistikat përkatëse, të barrës së shpenzimeve për shëndetin”. “Natyrisht që duhet shumë më tepër dhe nuk ka dyshim që shëndetësia është sektori më i paragjykuar, e jo pa të drejtë, për hir të së vërtetës, pasi është dhe sektori që lidhet drejtpërdrejt me jetën e njerëzve, me kujdesin për njerëzit më të dashur dhe ku çdo dobësi përkthehet në kërcënim për shëndetin e njeriut. Por, një gjë është e sigurt: ata që marrin sot shërbim shëndetësor, janë shumë më pozitivë ndaj mënyrës si ofro-
het sot ky shërbim sesa ata që për fat të mirë të tyre nuk kanë pasur nevojë të shkojnë nëpër spitale dhe të shohin ndryshimin, dhe që mbeten jo vetëm dyshues, por edhe jashtëzakonisht negativë në raport me sektorin”, - u shpreh Rama. “Natyrisht që, nëse do të pretendonim se ryshfeti nuk është më pjesë asgjëkundi e jetës së përditshme të shërbimit tonë shëndetësor, do të gabonim rëndë. Por nga ana tjetër, ajo që sot vlen të nënvizohet është se, duke reformuar sistemin, ne po e sprapsim hap “Natyrisht që, nëse do të pretendonim se ryshfeti nuk është më pjesë asgjëkundi e jetës së përditshme të shërbimit tonë shëndetësor, do të gabonim rëndë”, - tha Rama, duke sqaruar se kjo po shmanget edhe nga sistemi shëndetësor, hap pas hapi.
pas hapi, korrupsionin dhe ryshfetin edhe nga shërbimi ynë kombëtar shëndetësor. Kur them ‘ po e sprapsim hap pas hapi’, nuk pretendoj aspak të them se e kemi nxjerrë matanë derës së këtij shërbimi”, - sqaroi kryeministri. “Edhe receta elektronike, e cila u projektua dhe u aplikua si një projekt- pilot këtu në Durrës me sukses, do të hyjë në fuqi gjatë muajit shkurt dhe gjatë dy muajve të tjerë, në pranverën e këtij viti, do të jetë e vetmja recetë në rrafsh kombëtar”, - sqaroi ai.