Balla: Opozita të rikthehet në Komisionin e Reformës Zgjedhore

Noka: Qeveria të sigurojë votimin elektronik

Nënkryetari

i Grupit Parlamentar të PS- së, Taulant Bal la i bëri thirrje dje opozitës të zërë vendet në Komisionin e Reformës Zgjedhore për të miratuar reformën. Ndërkohë që, deputeti i PD- së, Flamur Noka përsëriti kërkesën e opozitës për votim elektronik për të garantuar zgjedhje të lira e të ndershme. “Jam këtu që t’i bëjmë një thirrje Partisë Demokratike, anëtarëve të Komisionit të Reformës Zgjedhore, përfaqësuesve të saj dhe të opozitës, që t’i rikthehemi punës në komision sepse kemi mjaft çështje të tjera shumë të rëndësishme, në kuadër të rekomandimeve të raporteve të OSBE- ODHIR- it, që duhen adresuar. Ndër to, unë do doja të theksoja edhe njëherë rëndësinë që ka, që ne të përgatisim sa më shpejt ndryshimet në ligjin për partitë politike lidhur me transparencën e financave të partive, por edhe me transparencën e shpenzimeve të fushatave zgjedhore”, - tha Balla. “Unë besoj se PD- ja e kupton që loja e bojkotit të Komisionit të Reformës Zgjedhore nuk i vlen asnjë interesi”, - tha Balla. Nga Komisioni i Sigurisë, deputeti Flamur Noka përsëriti kërkesën e opozitës për votimin elektronik, si e vetmja formë për të garantuar zgjedhje të lira e të ndershme. “Mirë do ishte të merreshim pak dhe të sigurojë kjo qeveri edhe votimin elektronik, sepse ju po thoni që e keni futur vendin në një epokë të re dixhitale. Atëherë do t’ju kërkonim të merrni masa që të mos ndodhë krim elektoral si ai i zgjedhjeve lokale, si ai i Dibrës, Korçës apo edhe Kolonjës”, - tha Noka.