Fshihte kokainë në buzëkuq, arrestohet shqiptarja në Itali
Një
39- vjeçare sh qiptare është vënë në pranga nga policia italiane, pasi u kap me kokainë. Gazeta "Milanotoday", shkruan se shqiptarja, identiteti i së cilës nuk dihet ende, u arrestua mbrëmjen e së dielës në fshatin Cassano Adda në Milano. Pas një kontrolli të ushtruar në mjetin e saj, oficerët gjetën brenda një buzëkuqi 3 qese të vogla me kokainë si dhe 270 euro. Ndërkohë, gjatë kontrollit të ushtruar në banesën e saj, u gjetën edhe 6 gramë të tjerë kokainë si dhe 2.300 euro, para të ardhura nga aktiviteti i paligjshëm i drogës. Sipas hetuesve të çështjes, gruaja shqiptare kishte disa rekorde kriminale. Aktualisht ajo ndodhet në paraburgim në Milano, në pritje të caktimit të masës së sigurisë nga gjykata.