Basha: Konsensus me PS për reformën zgjedhore
PPE, rezolutë për zgjedhjet në Shqipëri: Mjaft me shitblerje të votës! "Teknologjia në zgjedhje, jo çështje kohe"
Asambleja Politike e Partisë Popullore Europiane ( PPE), e cila ka shumicën në Komisionin dhe Parlamentin Europian, miratoi me unanimitet një rezolutë për Shqipërinë e cila bën thirrje për zgjedhje të lira e të ndershme dhe dënon shitblerjen e votës. Sipas kreut të PD- së, Lulzim Basha, rezoluta bën thirrje për aprovimin me konsensus të reformës zgjedhore si dhe për zbatimin e ligjit për dekriminalizimin e politikës dhe kërkon masa urgjente kundër kultivimit dhe trafikimit të drogës. Z. Basha shpreh mirënjohjen për mbështetjen e PPE- së ndaj Shqipërisë dhe shqiptarëve në betejën për zgjedhje të lira dhe të ndershme, luftën kundër krimit dhe të ardhmen tonë europiane. Sakaq, shefi i opozitës vuri në dukje se mbetet i angazhuar në përmbushjen e këtyre qëllimeve. "Dua të shpreh mirënjohjen time për mbështetjen e PPE- së ndaj Shqipërisë dhe shqiptarëve në betejën për zgjedhje të lira dhe të ndershme, luftën kundër krimit dhe të ardhmen tonë europiane, si dhe angazhimin tim për përmbushjen e këtyre qëllimeve", - tha pas miratimit të rezolutës, kreu i PD- së, Lulzim Basha. Nga Brukseli, ai bëri thirrje për zgjedhje parlamentare të lira dhe të ndershme në 18 qershor. Pas deklaratave të kryeministrit Edi Rama dhe kreut të KQZsë se nuk mjafton koha për përdorimin e teknologjisë në këto zgjedhje, kreu i opozitës thotë se ajo që mungon është vullneti politik. "Çështja e votimit elektronik nuk është çështje kohe, por vullneti, që askush të mos votojë për të. S'ka futje duarsh në vullnetin e qytetarëve, siç votohet edhe numërohet, zëri i qytetarëve dëgjohet", - deklaroi z. Basha. Teksa u ndal tek Asambleja Politike e PPE- së, lideri i PD- së theksoi se PPEja kërkon masa kundër blerjes së votës në Shqipëri. Z. Basha gjatë një interviste ndër të tjera shtoi se rezoluta konsiston që te nxjerrja e krimineleve jashtë politikës, ndërsa i shpall luftë drogës dhe krimit të organizuar. Sakaq, kreu i PD- së tha se kërkohet konsensus për reformën zgjedhore, ndërsa si- pas tij votimi elektronik është çështje vullneti. "Rezoluta jep mbështetje unanime për Shqipërinë. Ajo bën thirrje për zgjedhje të lira e të ndershme dhe kërkon masa kundër blerjes së votës. Rezoluta kërkon nxjerrjen e kriminelëve jashtë politikës, luftë ndaj drogës e krimit të organizuar. Rezoluta e PPEsë kërkon bashkëpunim mes partive. Kërkohet konsensus për reformën zgjedhore, votimi elektronik është çështje vullneti. Ky votim i mundëson çdo qytetari të votojë. Me votimin elektronik, dëgjohet zëri i qytetarëve", - pohoi Basha, ndërsa premtoi se qeveria e ardhshme nën drejtimin e tij, do të jetë e qytetarëve. Gjatë qëndrimit në Bruksel, kreu i PD- së uroi për detyrën e re kreun e Komisionit për Punët e Jashtme në PE, David McAllister.