Rama- vendorëve: Bashkohuni në projekte
Kryeministri mbledh kryetarët e bashkive: Fondin e akorduar përdoreni brenda vitit, ndryshe digjet "Të majtë e të djathtë, drejtojuni qeverisë e parlamentit"
Kryeministri Edi Rama u bëri thirrje dje kryetarëve të bashkive të hartojnë projekte dhe t'i sjellin ato në qeveri për t'i miratuar. Në kërkesat e tyre, kryetarët e bashkive të Dibrës, Lezhës, apo edhe nënkryetari i Bashkisë së Shkodrës, i cili foli në emër të kryetares Voltana Ademi, i kërkuan kryeministrit mbështetje sipas rastit. Ndërkohë kryeministri, në momentin kur po i kthente përgjigje përfaqësuesit të OPS- së, kreut të Bashkisë së Dibrës, Muharrem Rama, i cili kërkoi financim për llixhat, i tha: "Njësoj kur flas për Bashkinë e Shkodrës, duhet projekti, kryetar. Jemi dakord për rëndësinë e llixhave, nuk ka këtu as majtas e as djathtas. Jam i bindur që nuk ka asnjë shans që të mos kemi konsensus që llixhat e Peshkopisë janë shumë të çmuara, por sill projektin. Ne financojmë projekte. Sillni projektin dhe ne do t'ju mbështesim. Për Dibrën kemi dhënë e do vazhdojmë të japim një mbështetje të vazhdueshme". "Përfitoj nga rasti të them që Rruga e Arbrit është në procedurë. Komi- sioni duhet gjatë kësaj jave të mbyllë fazën e parë të procesit dhe të hyjmë në fazën e dytë. Është projekti i parë që do realizohet me programin ' një miliard' të Rindërtimit dhe kam shumë besim që, "Hakmarrës!" Kështu e ka quajtur kryetari i Bashkisë së Kamzës, Xhelal Mziu, kryeministrin Edi Rama, pasi ky i fundit nuk e kishte ftuar në takimin me krerët e bashkive. "Vijon diskriminimi nga ana e kryeministrit hakmarrës për kryebashkiakun, bashkinë dhe qytetarët e Kamzës", - tha Mziu.
nëse nuk do të na tradhtojnë procedurat, siç ka ndodhur me planin e Lezhës apo me ekskavatorët, shumë shpejt do të fillojë puna edhe për Rrugën e Arbrit", - bëri me dije Rama. Kryetari i Bashkisë Lezhë, përfaqësuesi i PDsë, Fran Frrokaj kërkoi mbështetje për një by- pass në Shëngjin. "Ajo që unë dua ta ripërsëris është se, ju i keni të gjitha mundësitë, që në fakt nuk i shfrytëzoni, për të ndikuar drejtpërdrejt në lehtësimin e procedurave burokratike, apo edhe në fuqizimin e kompetencave tuaja, duke sjellë te ne propozime konkrete. Propozimet nuk kanë nevojë të jenë propozime shoqate, por mund të jenë edhe të një grupi kryetarësh bashkish", - u shpreh Rama. "Unë ju siguroj që personalisht do të jem jo vetëm i vëmendshëm, por edhe shumë i lumtur që me propozime nga një grup kryetarësh bashkish, të majtë e të djathtë, t'i drejtoheni qeverisë e parlamentit për të bërë përmirësime. Kam marrë ankesa të mëdha, por individuale, nga ju. Unë i konsideroj të drejta, lidhur për shembull, me një komplikacion të pafund të ligjit të planifikimit urban, por nuk mundemi të punojmë ankesë pas ankese. Kemi bërë një reflektim dhe po bëjmë një ndërhyrje, por nuk dua që nesër të vijë me të drejtë, një kryetar bashkie, po një grup prej tyre e të thonë ' duhet bërë edhe kjo'. Është shumë e vlefshme për ne që ju të jeni aktivë në këtë aspekt. Mos t'ia lini rastit kur mund të takohemi, apo një momenti dëshpërimi a mërzie nga një procedurë apo histori e papëlqyeshme që të ngrini zërin te ne për një aspekt. Këto të gjitha janë përgjithësisht shqetësime të përbashkëta; mund të na nxisni e do t'ju ishim shumë mirënjohës për këtë", - sqaroi ai. Gjatë fjalës së tij, Rama foli për programin "një miliard" të Rindërtimit. "Programin e ri të rindërtimit që ne do të lançojmë shumë shpejt me tri shtylla; infrastrukturë rrugore, në këtë rast nacionale, por që do u shërbejë shumë bashkive, infrastrukturë rurale dhe turistike, dhe këtu bashkëpunimi do të jetë i drejtpërdrejtë me bashkitë; infrastrukturë arsimore për rindërtimin e mbi 10 shkollave që janë në gjendje jo të mirë në territorin e Shqipërisë, dhe këtu bashkëpunimi me ju është kyç; dhe infrastrukturë shëndetësore për ngritjen e 10 poliklinikave moderne në vend dhe një spitali rajonal në Fier", - tha Rama. Sipas tij, ky projekt do të injektojë në ekonominë shqiptare 1 miliard dollarë në harkun e tri viteve të ardhshme. Ndërkaq, duke folur për rilindjen e fshatit, Rama tha se janë mbështetur 136 projekte bashkish. Ai bëri thirrje për përdorimin e fondit brenda një viti buxhetor, ndryshe do të digjet.