Ekonomi: Projektet për turizmin të jenë të koordinuara
Ministrja e Ekonomisë, takim me donatorët e turizmit
Ministrja
e Zhvillimit Ekonomik, Turizmit, Tregtisë dhe Sipërmarrjes, Milva Ekonomi, zhvilloi një takim me përfaqësues nga organizata të ndryshme ndërkombëtare: EUD, IFC, Bashkëpunimi Italian për Zhvillim, BERZH, Ambasada Gjermane në Tiranë, Ambasada e Zvicrës etj. Në fjalën e saj, ministrja Ekonomi informoi donatorët për aktivitetet më të fundit në fushën e turizmit gjatë këtij muaji, pikërisht për pjesëmarrjen e Shqipërisë në panairet e Utrehtit, Shtutgartit dhe Madridit, të cilat i cilësoi të suksesshme për promovimin e turizmit shqiptar. Në vijim ajo bëri një përmbledhje të punës së realizuar gjatë 2016- ës në kuadër të tur-
STRATEGJIA
Strategjia për Zhvillimin e Turizmit 2017- 2022 fokusohet në 5 drejtime strategjike: zhvillimi i produkteve turistike; zhvillimi i kapaciteteve njerëzore; investimeve; marketimi; dhe, menaxhimi i procesit.
izmit, duke theksuar faktin që 2016- ta ka qenë një vit shumë i suksesshëm për turizmin. Ministrja Ekonomi theksoi se gjatë periudhës qershor- gusht 2016 e vizituan Shqipërinë 2.317 milionë shtetas të huaj, duke shënuar një rritje prej 19.7% kra-
hasuar me vitin 2015. Gjithashtu, të ardhurat nga shpenzimet e turistëve kapën shifrën 521 milionë euro, duke shënuar një rritje prej 26% për të njëjtën periudhë krahasuar me 2015- ën. Fluturimet charter ishin 119, ndërsa të ardhu- rat nga vizitorët në muze, parqe dhe monumente kombëtare u rritën me 16%. Ajo shtoi se janë miratuar më shumë se 20 akte nënligjore në kuadër të ligjit "Për turizmin" dhe tashmë ka nisur zbatimi i ligjit për të formalizuar tregun e turizmit. Ekonomi informoi se tashmë ky proces ka nisur, ku agjencitë e udhëtimit po ndahen nga operatorët turistikë përmes regjistrimeve për të marrë licencat përkatëse në QKB. Gjithashtu, brenda muajit shkurt do të certifikohen udhërrëfyesit e parë turistikë si dhe do të nisë standardizimi i strukturave akomoduese, përmes një procesi vetëdeklarimi të tyre. Gjithashtu u paraqit dhe matrica ose inventari i gjithë projekteve të donatorëve të turizmit, dhe iu bë thirrje që ata të përditësojnë informacionet e tyre dhe t'ia paraqesin ministrisë. Minis- trja Ekonomi theksoi se komunikimi dhe koordinimi mes gjithë institucioneve apo grupeve të interesit që merren me turizmin është mënyra më e mirë për të prodhuar projekte të përbashkëta që shkojnë në të njëjtën linjë me objektivin e qeverisë për të zhvilluar këtë sektor të rëndësishëm për Shqipërinë.