"Gruaja e Vitit 2016" rrëfen se si do të përzgjidhen stilistët Mrika Krasniqi: Java e Modës në New York, një shans i madh për shqiptarët
Është edicioni i dytë sivjet dhe, sigurisht, jemi shumë më të përgatitur. Jo se vitin e kaluar nuk ishim, por tani i kemi kuptuar nevojat dhe mënyrën më të përshtatshme për të prezantuar artin e disajnerëve shqiptarë. E kemi kuptuar edhe shijen e buyers- ave dhe mundësinë e lidhjes me disajnera, në mënyrë që t'u krijohet një mundësi për tregun amerikan. Vitin e kaluar është dëshmuar se interesi për të përcjellë nga afër punën e disajnerëve shqiptarë ka qenë shumë i madh. Ne kishim mbi 500 vetë në sallë, të cilët e pëlqyen pa masë këtë mënyrë të prezantimit të veshjeve të krijuar nga disajnerë shqiptarë nga vende të ndryshme të botës. Këtë edicion ne jemi përqendruar kryesisht te kompanitë amerikane, të cilat poten- cialisht bëjnë blerje të koleksioneve të disajnereve europianë. Sa u takon stilistëve, kemi disa disajnerë me të cilët kemi përfunduar kontratat, por presim edhe me të tjerët. Në ditët në vazhdim do të publikojmë një listë të emrave që do të jenë pjesë e "Javës së Modës Shqiptare", që do të zhvillohet prej datës 24- 27 mars të këtij viti në New York. Nga vetë fakti se krijimet e këtyre disajnerëve po prezantohen në njërin nder metropolet dhe qendrën botërore të modës, siç është New York- u, është një arritje goxha e madhe. Kjo për faktin se krijuesit arrijnë të komunikojnë me një masë më të gjerë të njerëzve dhe me shije ndoshta edhe ndryshe nga ajo që është në Europë. Në qoftë se këto krijime do të jenë origjinale dhe arrijnë të pëlqehen nga një treg shumë herë më i madh se ai europian, atëherë suksesi po që do të jetë shumë më i madh.
Eventi është i hapur për të gjithë disajnerët shqiptarë që janë të licencuar me brendin e tyre dhe që me punën e tyre kanë dëshmuar sukses në Europë, Shqipëri, Kosovë apo më gjerë. Pastaj, agjencia iu ofron paketat që t'i përshtatet secilit disajner në bazë të shijes apo kërkesave specifike që kanë.
Më datë 25 mars kur edhe do të jetë show i madh i prezantimit të krijimeve, do të përcillet nga buyers të ndryshëm, profesionistë të fashion, mediat, si dhe është i hapur për adhuruesit e tjerë të modës. Ndërkaq, tri ditët e tjera janë vetëm për disajnerët, kontaktet me blerësit e interesuar, si dhe profesionistët e fushës për të shkëmbyer përvojat e tyre.
Kam Festivalin e Filmit Shqiptar në NY, edicioni i 6- të, që do të zhvillohet prej datës 26 deri më 29 maj të këtij viti. Gjithashtu, para pak ditëve kemi mbyllur kompeticionin ndërkombëtar të skenarëve dhe gjatë festivalit do të prezantojmë 15 fituesit. Kompania ime "Nil Production", bashkë me studion "Dardan" në Shqipëri kemi fituar një fond nga Qendra Kinematografike e Shqipërisë për realizimin e filmit të metrazhit të gjatë me titullin "NIK". Unë kam bërë skenarin dhe jam coproducente gjithashtu. Tani jemi në fazën e parapërgatitjeve dhe aleancave me koproduksione të tjera në Europë e Amerikë.