Kemi Inva Mula, por kemi edhe Niko Dhales

pjesë në të gjitha ekspozitat që çelen në Shqipëri deri sa më 1990 ikën nga vendi drejt ëndrrave artistike. Nis një fazë e re krijimtarie, me realizime pa kufij e zinxhirë. Bëhet si binjak me shokun e tij Avni Delvi- na e çelin ekspozita në Rimini, Forli, Romë. Pikturat e tyre shpërndahen nëpër glob. Por Niko ëndërron Parisin, folenë e artit botëror. Dhe kuturis e ikën, familjarisht. Garanci kishte punën cilësore në Itali. Në Paris organizohet një konkurs për të fituar leje të pikturojë në sheshin e famshëm ' Montmartre'. Mes 300 krijuesve nga mbarë globi fiton Niko Dhalesi. I pari dhe i vetmi shqiptar që e gëzon ketë pasuri. E nis akuarelet e vizatimet e tij si ëndrra dashurie e pasioni për këtë qytet mahnitës. Punët i shiten pa iu tharë boja. Nuk ngel pikturë pa ia blerë të apasionuarit pas Parisit e pas pikturës. Gjithë galeritë franceze e kërkojnë. Fama rritet e ndërkohë kanë kaluar shumë vite nga ikja prej atdheut. Ndaj ai bashkë me sivëllain në art e jetë, Avni Delvina zbresin në Tiranë me ekspozitën "Pas 25 vjetësh". Është pak të thuash turbulluan jetën artistikë në Tiranë. Nën kujdesin e ambasadës italiane, ekspozita u kthye në eventin kulmor të vlerave figurative. Mbi 3.000 artdashës që ditën e parë. Dhjetëra mijëra deri në mbyllje dhe pikturat fluturuan tek porositësit. Niko Dhales sot është qytetar evropian. Ai ka pasaportë italiane, greke, franceze, jeton në Paris, Rimini, Athinë, por brenda në zemër i rri plot mall e nur Shqipëria e tij, që e do sa artin e tij, sa familjen, sa veten. E ka në ëndrra e në projekte të shumta. Piktori Niko Dhales ishte i ftuar familjarisht në çeljen e sezonit të La Scala. Se ai teatër tani e quan si të vetin. Siç e quajmë ne. ' Nikoja ynë' - themi. Se vërtet kemi Inva Mula, por tani kemi edhe Niko Dhales.