Kush janë 9 anëtarët e Këshillit të Emërimeve në Drejtësi

Firmëtarët nga tragjedia e Gërdecit e ‘ 21 janari’, deri te largimi i dy deputetëve Shorti në Kuvend, përfaqësimi i gjykatave në Këshill

Këshilli i Emërimeve në Drejtësi, i cili zëvendë son KLD- në do të funksionojë përmes një ekipi prej nëntë anëtarësh. Në bazë të shortit të hedhur dje në ambientet Kryesisë së Kuvendit, Gjykata Kushtetuese do të përfaqësohet në këtë këshill nga gjykatësit Besnik Imeraj dhe Vladimir Kristo, ndërsa anëtari zëvendësues do të jetë Altin Xhoxhaj. Shorti për anëtarin e Gjykatës së Lartë përcaktoi Mirela Fanon dhe Artan Zenelin si anëtar zëvendësues. Përfaqësues të Gjykatës së Apelit janë Brikena Ukepraj Lubonja dhe Ervin Metalla, ndërsa nga Gjykata Administrative, anëtar i KED do të jetë Kastriot Selita dhe anëtar zëvendësues, Gentian Medja. Një anëtar i Këshillit të Emërimeve në Drejtësi vjen nga Prokuroria e Përgjithshme, e cila nga ana e saj kishte propozuar vetëm një emër, Rovena Gashin, që u zgjodh automatikisht. Kuvendi nuk pati mundësi të zgjidhte anëtarin zëvendësues nga Prokuroria e Përgjithshme për shkak të mungesës së propozimeve. E njëjta gjë ndodhi edhe me KLD. Organi më i lartë i drejtësisë aktualisht do të ketë 2 përfaqësues në KED, por solli vetëm 2 propozime, duke bërë që të emëroheshin automatikisht. Gentian Trenova dhe Fatjona Mencaj do të përfaqësojnë këtë institucion në KED. Edhe për këtë institucion nuk ishte e mundur të zgjidhje anëtari zëvendësues për mungesë propozimesh. Këshilli i Emërimeve në Drejtësi do të propozojë emrat për anëtarët e Gjykatës Kushtetuese si dhe Inspektorit të Lartë të Drejtësisë dhe sipas renditjes që do të kryejë ky institucion, këta zyrtarë do të zgjidhen në parlament me 3/ 5 e votave. Por kush janë anëtarët e KED? Besnik Imeraj është kryesues i Kolegjit Penal, që Gjykata Kushtetuese përfaqësohet me dy anëtarë, një anëtar do të vijë nga Gjykata e Lartë, që do të ketë dhe detyrën e kryetarit të Këshillit. Pjesa tjetër e trupës do të ketë përbërjen e tre prokurorëve. Një anëtar është prokurori në Prokurorinë e Përgjithshme dhe dy anëtarë nga prokuroria pranë zyrave të Gjykatave të Apelit, si dhe një gjyqtar nga Gjykata Administrative.

shqyrtoi çështjen kundër ishministrit të Mbrojtjes, Fatmir Mediu që u vu nën akuzë për tragjedinë e Gërdecit. Imeraj është relator i ligjit të vetingut. Një nga dy anëtarët e Gjykatës Kushtetuese që votoi për rregullimin e ligjit. Mirala Fana është anëtare e gjykatës së Tiranës dhe vjen nga gjykata e Durrësit. Ajo është bashkëshortja e z. Neshat Fana, ish- avokatit të ish- kryeministrit Sali Berisha. Gentian Trenova është ish- prokuror në Prokurorinë e Tiranës, ish- Prokurorinë e Krimeve të rënda. Ka drejtuar disa çështje të bujshme të trafikut të drogës. Aktualisht është transferuar në Gjykatën e Apelit të Tiranës. Rovena Gashi është drejtoreshë e Marrëdhënieve me Jashtë pranë Prokurorisë së Përgjithshme. Gashi është prokurorja e sektorit të dekriminalizimit në Prokurorinë e Përgjithshme, e cila firmosi për heqjen e tri mandateve, atë të dy deputetëve Dashamir Tahiri dhe Shkëlqim Salami si dhe të kryebashkiakut të Kavajës, Elvis Roshi. Aktualisht ka në dorë çështjen e hetimit të pasurisë së deputetit të PSsë, Alfred Peza. Vladimir Kristo është ish- kryetar i Gjykatës Kushtetuese gjatë kohës së qeverisjes së PD- së. Ka votuar për prishjen e marrëveshjes së paktit detar. Rrëzoi PD- në për ligjin e

vetingut gjatë shqyrtimit në Kushtetuese. Njihet për deklaratat e forta për ndryshimin e politikës para ndryshimit të gjyqësorit. Fatjona Mencaj prej më shumë se tri vitesh është

prokurore në Prokurorinë e Apelit, Tiranë. Ajo ka qenë pjesë e stafit të ishpresidentit Bamir Topi në Presidencë dhe që andej iu rikthye angazhimit të mëparshëm si prokurore.