MUZEU I ARTIT MESJETAR NË KORÇË DHE "MARUBI", KANDIDATË PËR ' BEST BUILDING OF THE YEAR'
Dy
muzetë e rinj të përuruar së fund mi në Shqipëri janë shpallur tashmë kandidatë për "Best Building of the Yaer". Muzeu Mesjetar i Korçës( Muzeu i Ikonave) dhe Muzeu Kombëtar i Fotografisë "Marubi" të projektuar nga kompani të huaja arkitekture janë pretendentë për "Ndërtesa më e mirë e vitit". Dy projektet e realizuara në Shqipëria janë pasqyruar ' online' ne sajtin "ArchDaily" mes 3000 projekteve nga e gjithë bota. Veç dy muzeve shqiptarë, që përmbajnë fjalën e fundit të teknologjisë dhe kushteve që ofrojnë ka objekte si: Biblioteka ' Alexis de Tocqueville' Francë, studio arti në Kinë, objekte në Strasburg, SHBA, Gjermani, Danimarke, Brazil, Spanjë, Japoni, Muzeu Kombëtar i Zvicrës, Muzeu i Qeramikës në Danimarkë, etj.
KORCA
Ky është nje Muze i veçantë përsa i përket numrit të madh të mjeshtërve, autorëve të ikonave ( rreth 10 mjeshtër të ikonografisë) dhe larmisë së fondit të objekteve që administron ( 8000 objekte të Artit Mesjetar, ndër të cilat 6500 janë ikona). Në godinën e re të muzeut do të ekspozohen rreth 400 ikona nga të cilat 250 ikona i prezantohen publikut për herë të parë. Mënyra e ekspozimit vjen në një frymë bashkëkohore me një rend kronologjik të zhvillimit të mjeshtërisë ikonografike në Shqipëri. Prezantimi i trashëgimisë së Artit Mesjetar të rikthen në gjenezën e mistikes dhe ritualeve të shenjta. Për herë të parë ndërtesa e re e Muzeut siguron infrastrukture në paramentra bashkëkohore teknike, teknologjike, sigurie, konservimi dhe ruajtjeje.