Halimi: Manjani iu nxori cullak, Lutaj: Të vizitohet
Shkarkimi i ministrit të Drejtësisë shkakton sherr te Komisioni i Ligjeve, pezullon punën te i Jashtmi Përgjigjet ish- ministri: Të marrë analizat e Ramës
Shkarkimi i ministrit të Drejtësisë, Ylli Manjani, shkaktoi dje debate në Komisionin parlamentar të Ligjeve dhe probleme në punën e Komisionit të Jashtëm, ku dje duhej të shqyrtohej pjesëmarrja e Shqipërisë në Programin e Drejtësisë së BE- së. Në Komisionin e Ligjeve, ku munguan deputetët e LSI- së, deputeti i PD- së Eduard Halimi u shpreh se Manjani e nxori qeverinë cullak, ndërsa deputeti i PS- së Piro Lutaj u shpreh se po prisnin që ky i fundit të vizitohej.
“Ministri i Drejtësisë, që ka informacion mbi gjithçka bën kjo qeveri, tha të vërteta duke nxjerrë cullak qeverinë, dhe asnjë nga ministrat, qoftë dhe kryeministri, nuk ka përgënjeshtruar atë që tha ministri, as për kabinetin, as për Balilin dhe as për koncesionet. Asnjë nuk ka përgënjeshtruar deklaratën që bëri Manjani, që kryeministri kërcënon gjyqtarët në telefon. Kanë kaluar 24 orë. Të gjitha ato që tha janë të vërteta”, - tha Halimi. Ndërsa deputeti Piro Lutaj ia ktheu: “Do presim vizitën mjekësore të min- istrit të Drejtësisë”. Kjo batutë ka sjellë më vonë edhe reagimin e ish- ministrit Manjani, i cili ka thënë se “deputeti rilindës duhet të kërkojë analizat e kryetarit të vet”. Më tej në komision, debati ka vijuar. “Nëse ju e konsideroni të çmendur ministrin dhe thoni se duhet të bëjë vizitë mjekësore, jeni në praktikat e Mehmet Shehut”, - u shpreh deputeti i PD- së, Gent Strazimiri. Ndërsa kreu i komisionit, Fatmir Xhafaj, duke iu drejtuar opozitës tha: “Ju jeni opozitë e shokut Mehmet. Faleminderit që na ringjalle shokun Mehmet! Të paçim! Unë, Edi dhe Saliu kemi qenë grup i organizuar”. Pas debateve, opozita është larguar nga komisioni dhe socialistët kanë vijuar me diskutimin e pikës së radhës në rendin e ditës, që ishte vlerësimi i kandidaturave për Avokatin e Popullit. Ndërsa në Komisionin e Jashtëm, ku duhej të ishte ministri i Drejtësisë, deputetët e opozitës nuk kanë marrë përgjigje për pyetjet e tyre. Deputeti i Partisë Demokratikët, Aldo Bumçi akuzoi qeverinë se po vepron në kush-