Rama: Investimet nga biznesi, qeveria shlyen borxhet vitin e tretë

Projekti “1 miliard euro”, investime në rrugë, shkolla dhe spitale Partneriteti Publik- Privat, Rama: S’do të rritet as borxhi, as deficiti

Kreu i qeverisë ka pre zantuar projektin “One Billion Project”, i cili do të nxjerrë në qarkullim vlerën e munguar në shumën 1 miliard euro, si investime në infrastrukturë, arsim dhe shëndetësi. Kryeministri Rama tha se qytetarët nuk do të paguajnë asnjë qindarkë për këto vepra publike, ndërsa shpjegoi mënyrën se si do të funksionojë Partneriteti Publik- Privat për to. “Bëhet fjalë për një numër veprash publike në shkolla, infrastrukturë rrugore, qendra shëndetësore ekselence që mungojnë, që në kushtet e buxhetit të shtetit do të mund të ndërtoheshin në 10- 13 vjet. Duke thithur kapitalin privat, ne i ndërtojmë në 2- 3 vjet dhe i paguajmë në 10- 15 vjet sipas kontratave, sipas buxhetit të shtetit, pa futur dorën në asnjë qindarkë te qytetarët. Ky është ndryshim nga e kaluara”, - tha Rama. Teksa ftoi sipërmarrjen private dhe bankat për të investuar në realizimin e këtyre projekteve, kryeministri tha se bashkëpunimi me biznesin ka më pak risk. “1 miliard për rindërtim”, prezantohen projektet prioritare për koncesione në rrugë, spitale e shkolla.

KONCESIONET

Kryeministri Edi Rama dhe ministri i Financave Ahmetaj lajmërojnë dhënien e koncesioneve masive në 5 muajt në vijim, sipas formës me Partneritet Publik- Privat – me një vlerë investimi 1 miliard euro. Kryeministri e prezantoi skemën e investimeve në një takim të posaçëm me sipërmarrës dhe bankat. Skema e investimit është e tillë: Projektet do të jenë në bashkëpunim me sipërmarrjen dhe bankat në vend, duke shtuar kapital nëpërmjet investimeve private. Rëndësia e këtij projekti lidhet me faktin se nuk do të shtojë borxhin, ka nënvizuar Rama. Në bazë të prioriteteve të qeverisë, sipërmarrjet do të hartojnë projektet. Dy vitet e para, sipërmarrjet do të finan- “Jo vetëm Dhoma e Tregtisë, por edhe sipërmarrja e mirëpret. Çdo frymëmarrje, çdo financim, çdo portofol që diversifikon qoftë punën, qoftë angazhimin e sipërmarrjes është i mirëpritur. Ajo çfarë ngelet për t’u diskutuar me kujdes është sa fleksibël dhe çfarë marrëdhënieje do ketë ndërmjet industrisë bankare dhe industrisë së sipërmarrjes që merr përsipër projektin.”

cojnë vetë projektin dhe pas vitit të tretë, qeveria do të fillojë të shlyejë detyrimet. Ministri i Financave, Arben Ahmetaj, tha se Partneritetet Publike- Private tani do të jepen me procedurë të përshpejtuar, brenda 130 ditëve, duke lehtësuar kështu procesin e dhënies me koncesion. Kjo është parë si një mundësi strategjike, nga ana e

Shoqatës së Bankave, për të pasur shërbime më të mira. Rama shtoi se projekti është i fuqishëm edhe se bankat janë shumë likuide dhe do të mundësojnë financimin e projekteve të mëdha dhe bindëse me garancitë përkatëse.

PROGRAMET

“Synojmë që me këtë program të adresojmë disa prob-

leme të rëndësishme të infrastrukturës rrugore nacionale, të adresojmë nevojën për të përmirësuar ndjeshëm infrastrukturën e zonave turistike. Për këtë arsye, projektet shtrihen nga lart, në rrugën që lidh pjesën urbane të veriut me Thethin, deri poshtë në Vlorë, Gjirokastër apo Berat. Pjesë e këtij programi është edhe Rruga e Arbrit, për të cilën kanë nisur procedurat dhe është projekti i parë, i cili përfshihet në këtë program dhe për të cilin ka një procedurë të nisur, bazuar në legjislacionin në fuqi, nga Ministria e Transporteve”, - tha Rama. Sipas kreut të qeverisë “synohet që të financojmë përmirësimin e infrastrukturës në zonat me zhvillim intensiv bujqësor”. “Tek arsimi, ky program ka një rëndësi themelore, pasi na jep mundësinë që në një kohë të shkurtër të mund të financojmë e të ndërtojmë një numër shkollash që, përndryshe, me kushtet dhe ritmet e financimit të buxhetit të shtetit do të kërkonin vite e vite të tëra. Ne synojmë që të ndërtojmë dhe rindërtojmë afro 150 shkolla në gjithë Shqipërinë, përfshirë dhe 6 shkolla ekselence të reja për arsimin profesional. Infrastruktura shëndetësore ka si gravitet ndërtimin e një spitali ekselence, rajonal, në Fier dhe 10 qendra shëndetësore ekse- lence në gjithë territorin e Republikës së Shqipërisë”, - tha Rama në takimin me përfaqësues të biznesit dhe sistemit bankar në vend.

PROGRAMI

“Programi do të koordinohet nga zv. kryeministri Niko Peleshi dhe ne jemi të gatshëm të japim të gjithë informacionin. Legjislacioni aktual i ka të gjitha hapësirat për të garantuar programin, ndërsa për projektet që shkojnë përtej një volumi të caktuar, do t’i drejtohemi parlamentit. Për projekte më të vogla, kjo nuk do të jetë e nevojshme. Kemi hartuar një udhërrëfyes me hapat që do të ndiqen”, - ka shtuar kryeministri. Udhërrëfyesi ka dhe modelet e kontratave standarde, instrumentet dhe hallkat që duhen të ndiqen. Për një pjesë të madhe të këtyre prioriteteve, neve do të na duhet projekti nga sipërmarrjet. Është një program ambicioz që kërkon koordinim të mirë”, - ka përfunduar Rama.