Raporti, 46 efektivë policie të arrestuar, 8 vetëm për drogën
Trendi i veprave penale për 2016, ai për veprime korruptive, 190 ankesa për gjobë të padrejtë SHÇBA: Në 7 operacione u asgjësuan rreth 500 mijë bimë narkotike
punonjës policie janë dërguar për gjykim.
RAPORTI
Gjatë vitit që lamë pas, në numrin e SHÇBA- së ( 0800 90 90) kanë qenë gjithsej 4.082 telefonata, nga të cilat 866 ishin ankesa të marra në nivel qendror dhe vendor. “Nga analizimi i gjithë produktit të përftuar gjatë hetimit administrativ të ankesave, trendi i shkeljeve administrative mbizotërohet nga ‘ për vendosje gjobe në mënyrë të padrejtë’, ‘ shpërdorim me detyrën’, ‘ mosveprim të strukturave të policisë’ dhe ‘ shkelje të procedurave standarde të punës’”, thuhet në raportin e bërë publik. Kështu, vetëm për gjobë të padrejtë kanë qenë 190 ankesa; për shpërdorim detyre 178 ankesa; për mosveprim 176 ankesa; për shkelje të procedurave 94 ankesa; për shkelje të normave të etikës 74 ankesa; për ushtrim dhune 29 ankesa; për korrupsion 23 ankesa; si dhe 5 ankesa për kanosje. Numri më i madh i ankesave ka qenë në Tiranë, e më pas vijon në Durrës, Shkodër, Vlorë, Lezhë e Fier. Gjithashtu, në raport thuhet se nga 160 kallëzimet penale për 180 persona, 42 kanë qenë për punonjës policie të nivelit të parë drejtues, 127 për punonjës policie të nivelit zbatues, 1 punonjës policie civil, 6 punonjës të Gardës së Republikës, 4 punonjës të PMNZSH dhe 17 kallëzime për persona të tjerë. Nga analiza e informacioneve të grumbulluara dhe materialeve referuese në prokurori, edhe për vitin 2016 trendi i veprave penale vazhdon të jetë i njëjtë, ai për veprime korruptive. Ndërsa, për kultivimin e bimëve narkotike, ka pasur 126 informacione të verifikuara me forma të punës dhe mjete teknike speciale operacionale, ku janë asgjësuar 490.370 bimë narkotike. Operacionet janë kryer në Elbasan, Shkodër, Dibër, Vlorë, Berat, Korçë e Durrës. Po ashtu, në raport thuhet se në këto operacione janë arrestuar 13 persona, 8 prej të cilëve kanë qenë punonjës policie. Ndërsa, janë identifikuar, ndjekur, hetuar dhe proceduar 53 punonjës të strukturave, sipas niveleve dhe gradave të ndryshme, nga 42 kallëzime penale që janë bërë.