Kequshqyerja, kërcënim i heshtur për 48 milionë fëmijë
UNICEF kërkon 3.3 miliardë dollarë ndihmë
Rreth
48 milionë fëm ijë që jetojnë në konfliktet më të ashpra botërore dhe emergjenca të tjera humanitare do të përfitojnë nga apeli i 2017ës i UNICEF- it, që u prezantua ditën e djeshme në Gjenevë. Nga Siria në Jemen dhe Irak, nga Sudani Jugor në Nigeri, fëmijët gjenden përballë sulmeve të drejtpërdrejta. Shtëpitë, shkollat dhe komunitetet e tyre janë rrënuar, shpresat dhe e ardhmja e tyre janë në rrezik. Në total, pothuajse një në katër fëmijë në botë jeton në shtetet e prekura nga konfliktet ose katastrofat. "Shtet pas shteti, lufta, katastrofat natyrore dhe ndryshimet klimatike po nxjerrin gjithmonë e më shumë fëmijë nga shtëpitë e tyre, duke i ekspozuar ata ndaj dhunës, sëmundjeve dhe shfrytëzimit", tha drejtori i UNICEF për Programet e Emergjencave, Manuel Fontaine. Veprimi Humanitar për Fëmijët i UNICEF- it përcakton apelin e agjencisë për vitin 2017 për një total fondesh prej 3.3 miliardë dollarë dhe qëllimet e tij për t'u siguruar fëmijëve akses te uji, ushqimi, arsimimi, shëndetësia dhe mbrojtja në 48 shtete në mbarë botën. "Kequshqyerja është një kërcënim i heshtur për mil- iona fëmijë", tha Fontaine. "Dëmi që ajo sjell është i parikuperueshëm, duke u ' vjedhur' fëmijëve potencialin e tyre mendor dhe fizik. Në rastet më të këqija, kequshqyerja e rëndë mund të jetë vdekjeprurëse". Veç mbështetjes për fëmijët sirianë në Siri dhe ata që jetojnë si refugjatë në shtetet fqinje, prioritet për 2017 është edhe trajtimi i 3.1 milionë fëmijëve që vuajnë nga kequshqyerja e rëndë akute.