Bruksel, Mustafa dhe Vuçiç pranojnë dialogun
Nikoliç: Nuk pranojmë asesi të flasim për njohjen e Kosovës Thaçi: Duam që të ulen tensionet
Incidenti nacionalist i ni sur nga Beogradi ka qenë subjekt i tryezës së bisedimeve mes Kosovës dhe Serbisë. Takimi është mbajtur gjatë mbrëmjes së djeshme në Bruksel, ku liderët e dy shteteve kanë diskutuar me ndërmjetësimin e përfaqësueses së BEsë, Federica Mogherini. Përpara takimit, Presidenti i Kosovës, Hashim Thaçi dhe Kryeministri i Serbisë, Aleksandar Vuçiç kanë zhvilluar një bisedë telefonike me temë uljen e tensioneve. Kjo është edhe pritshmëria që pala kosovare kishte nga ky takim. Në një intervistë për "Radion Europa e Lirë", Presidenti i Kosovës, Hashim Thaçi tha se, pret që "tensionet ndërmjet Kosovës dhe Serbisë të ulen edhe më shumë" dhe që "dialogu i rinisur të çojë drejt pajtimit dhe bashkëpunimit". Pas takimit të javës së kaluar, shefja e Politikës së Jashtme dhe Sigurisë së Bashkimit Europian, Federica Mogherini u kërkoi përfaqësuesve të Kosovës dhe Serbisë që të përmbushin zotimin për të lënë pas tensionet. Dialogu vazhdon prej vitesh sakaq, por disa marrëveshje të arritura ndërmjet palëve nuk janë zbatuar, përfshirë edhe heqjen e një parku mbi urën e lumit Ibër në Mitrovicë, por edhe krijimin e një Asociacioni të Komunave me shumicë serbe. Takimi i djeshëm ishte planifikuar që të ulte në bisedime vetëm dy kryeministrat Mustafa dhe Vuçiç, por Maja Koçijançiç konfirmoi edhe praninë e dy presidentëve Thaçi dhe Nikoliç, për të vazhduar dialogun e nisur javën që shkoi. Ndonëse pala kosovare është shprehur pozitive për të vazhduar dialogun dhe për të "qetësuar gjakrat", Ni- koliç nuk ka pasur të njëjtin mendim. Të martën, presidenti serb tha se në takimin me Mogherini- n, "Serbia nuk do të pranojë në asnjë mënyrë që të bisedojë për njohjen e Kosovës si shtet". Këtë deklaratë Nikoliç e ka bërë duke komentuar për mediat ruse, rreth mundësisë që delegacioni i Prishtinës gjatë takimit të nxirrte në tavolinë një projekt- dokument që do të përmbante "marrëveshjen përfundimtare lidhur me njohjen reciproke të dy shteteve, Kosovës dhe Serbisë". Dialogu Prishtinë- Beograd për herë të parë u mbajt edhe në nivel presidentësh. Takimi i fundit mes dy delegacioneve kosovare dhe serbe në Bruksel erdhi pas tensioneve në rritje për shkak të trenit serb që tentoi të hynte në Mitrovicën veriore, si dhe pas murit të ngritur nga serbët në pjesën veriore të qytetit të Mitrovicës, shumë pranë urës së lumit Ibër. Gjatë takimit të shkuar, Mogherini ka paralajmëruar të dyja palët që qëllimi i Brukselit është që të ulen tensionet dhe të vazhdojë dialogu.