12 kandidatë kanë aplikuar për anëtarë të komisioneve
Vetingu, BE u bën thirrje juristëve
Bashkimi
Evropian u bëri dje thirrje juristëve të kual ifikuar të aplikojnë për anëtarë në komisionet e rivlerësimit. Misioni i BE- së në Tiranë e ka publikuar dje online thirrjen, shoqëruar me detajet e plota të aplikimit, të cilat mund të gjenden në faqen online të Avokatit të Popullit. Aty sqarohet se janë të ftuar për pjesëmarrje sa më të gjerë qytetarët, si brenda edhe jashtë vendit, që plotësojnë kriteret ligjore të përcaktuara në ligj. Numri i aplikuesve ka shkuar në 12 deri në mesditën e së hënës, duke u dyfishuar që nga thirrja e ambasadorit Lu të shtunën. Numri i vendeve që duhen plotësuar është 27; 12 në Komisionin e pavarur të Kualifikimit, 7 në Kolegjin e Apelimit, 2 komisionerë publikë dhe nga 2 zëvendësues për secilin organ. Me aplikimet e institucioneve të reja të Drejtësisë ka ndodhur shpesh që veprimet të kryhen nga kandidatët pak përpara skadimit të afatit, që në këtë rast është data 9 shkurt. Kandidatëve u duhet të dorëzojnë 2 kopje dokumentesh, përfshirë një shkresë të nënshkruar prej tyre, ku aplikuesi pranon kufizimet e posaçme për fshehtësinë në komunikimet elektronike, gjatë kohëzgjatjes së mandatit si anëtar i institucioneve të rivlerësimit. Janë 11 kriteret ligjore për të qenë kandidat. Kushti i parë është diplomimi si jurist, e pastaj vijnë me radhë kriteret me standardet shumë të larta profesionale dhe morale të kandidatëve. Pjesë e kërkesave është edhe vjetërsia në punë në fushën e së drejtës, të mos ketë qenë subjekt i ligjit të dekriminalizimit, të mos ketë qenë anëtar apo bashkëpunëtor i Sigurimit të Shtetit, të mos jetë mbi 65 vjeç, si dhe njohja shumë e mirë e gjuhës angleze.