Shkatërrohet rrjeti i prostitucionit në Tiranë
Organizatorët kamufloheshin si taksistë, 10 vetë hetohen të lirë, shuma për çdo klient 150 euro Arrestohet polici e 10 të tjerë, një person në kërkim
Policia e Tiranës ka ar restuar 11 persona, në mesin e të cilëve është edhe një efektiv i policisë rrugore, të cilët akuzohen se shfrytëzonin femra të moshave të ndryshme për prostitucion, në kryeqytet. Në një deklaratë për mediat, kreu i Policisë së Tiranës, Ervin Hodaj tha se në kuadër të operacionit të koduar "Free TAXI", 10 persona të tjerë janë duke u proceduar në gjendje të lirë, ndërsa një tjetër person është shpallur në kërkim. Sipas skemës së zbardhur nga policia, krerët e këtij rrjeti ishin Arben Bici dhe Maringlen Ahmetaj. Ndërsa shtetasit Kujtim Karamuça, efektivi i policisë Elton Shtrepi, si dhe dy femrat Fllanxe A., 37 vjeçe dhe Ambra I., 21 vjeçe, rekrutonin vajzat dhe siguronin klientët. Nga hetimet ka rezultuar se 37vjeçarja prezantohej me emrin "Ana", ndërsa 21- vjeçarja me emrin "Erisa". Organizatorët e këtij rrjeti kamufloheshin si taksistë, të cilët, përveçse siguronin klientët, bënin edhe transportimin e vajzave që ushtronin prostitucion. Shuma për çdo klient varionte nga 50 deri në 150 euro. Ndërkaq, nga hetimi ka rezultuar se në disa raste vajzat që shfrytëzoheshin për prostitucion kanë siguruar edhe lëndë narkotike të llojit kokainë, të cilën ua shisnin klientëve të tyre. Ndërsa, dy prej shtetaseve të cilat dyshohen të jenë shfrytëzuar për prostitucion, gjatë kësaj periudhe janë akomoduar dhe do të trajtohen pranë një qendre pritëse, me qëllim marrjen e një pakete shërbimesh si dhe rehabilitimin dhe nxjerrjen e tyre nga ky rrjet shfrytëzimi.
ARRESTIMI
Arrestimi i 11 personave u bë në bashkëpunim me SH. Ç. B. A dhe Prokurorinë e Rrethit Gjyqësor Tiranë, në drejtim të goditjes së "Shfrytëzimit të femrave për prostitucion". Kështu, në pranga kanë përfunduar: Fllanxe A., 37 vjeçe, lindur në Dibër, me shtetësi maqedonase dhe banuese në Tiranë, e cila akuzohet për veprën penale të "Shfrytëzimit të Prostitucionit"; Ambra I., 21 vjeçe, lindur dhe banuese në Tiranë, e akuzuar për veprën penale "Shfrytëzim prostitucioni"; Anxhela Xh., 36 vjeçe, banuese në Ti- ranë, e akuzuar për veprat penale "Prostitucion" dhe "Shfrytëzim prostitucioni"; Maringlen Ahmetaj, 33 vjeç, banues në Tiranë, "taksist", akuzohet për "Shfrytëzim prostitucioni" dhe "Shitje të narkotikëve"; Arben Bici, 36 vjeç, banues në Tiranë, "taksist", akuzohet për "Shfrytëzim prostitucioni në bashkëpunim"; Përparim Kola, 41 vjeç, lindur në Pukë dhe banues në Tiranë, "taksist", i arrestuar për veprën penale të "Moskallëzimit të krimit"; Kujtim Karamuça, 50 vjeç, lindur në Librazhd dhe banues në Tiranë, "taksist", arrestuar për "Shfrytëzim prostitucioni" dhe "Shitje të narkotikëve"; Lendi Stefani, 47 vjeç, lindur dhe banues në Tiranë, arrestuar për "Përshtatja e ambienteve për përdorim droge"; Gjergji Rusa, 24 vjeç, lindur dhe banues në Tiranë, arrestuar për veprën penale të "Prostitucionit"; Albion Todri, 32 vjeç, lindur në Berat dhe banues në Tiranë, arrestuar për veprat penale "Shitje, prodhim narkotikësh" dhe "Prostitu- cion"; Elton Shtrepi, 32 vjeç, banues në Tiranë, me detyrë punonjës policie, arrestuar për "Ushtrim i ndikimit të autoritetit të paligjshëm", "Shfrytëzim prostitucioni, kryer në bashkëpunim" dhe "Moskallëzim krimi". Ndërkaq, Fllanxe A. dhe Ambra I., janë persona me precedentë të mëparshëm penalë për të njëjtën tendencë kriminale, atë të "Shfrytëzimit të prostitucionit". Kurse 10 personat e proceduar për "Prostitucion" janë: E. S., 37 vjeç, banues në Tiranë; G. K., 41 vjeç, lindur dhe banues në Tiranë; A. B., 33 vjeç, lindur në Dibër dhe banues në Tiranë; R. D., 32 vjeç, lindur në Dibër dhe banues në Tiranë; O. P., 26 vjeçe, lindur në Fier dhe banuese në Tiranë; I. Gj., 28 vjeçe, lindur dhe banuese në Elbasan; J. S., 35 vjeçe, lindur në Durrës dhe banuese në Tiranë; A. B., 28 vjeçe, lindur dhe banuese në Elbasan; M. T., 22 vjeçe, lindur dhe banuese në Tiranë dhe G. H., 32 vjeçe, banuese në Tiranë. Ndërsa, personi që është shpallur në kërkim është shtetasi M. K., banues në Tiranë, i dyshuar për veprën penale të "Shfrytëzimit të prostitucionit".
HETIMI
Sipas policisë, hetimi për arrestimin dhe procedimin në gjendje të lirë të këtyre personave u bë pas një hetimi disamujor nga Seksioni kundër Trafiqeve të Paligjshme. Përmes veprimeve procedurale, duke përdorur edhe metoda speciale, Policia e Tiranës ka dokumentuar aktivitetin kriminal të personave të sipërpërmendur, të cilët në kohë dhe zona të ndryshme në kryeqytet kanë shfrytëzuar, ndërmjetësuar për prostitucion me qëllim përfitimi, shtetaset e rekrutuara për të ushtruar këtë veprimtari të paligjshme. Kryesisht, hotelet që frekuentoheshin ishin në zonën e Liqenit, Kasharit dhe Kombinatit. Nga hetimet paraprake ka rezultuar se shtetaset Ambra I. dhe Fllanxe A., dyshohen se rekrutonin vajza të moshave të ndryshme për të ushtruar prostitucion dhe klientët siguroheshin prej organizatorëve ( taksistët). Aktiviteti i tyre kriminal kamuflohej dhe lehtësohej nëpërmjet aktivitetit si taksist, duke bërë të mundur transportimin e vajzave që ushtrojnë prostitucion në hotele dhe ambiente të tjera ( që njësohen me to), për të kryer prostitucion. Gjithashtu dyshohet se këta shtetas, në disa raste kanë siguruar dhe lëndë narkotike të llojit kokainë, të cilën ua shisnin klientëve. Nga arrestimet e bëra në disa prej ambienteve janë konstatuar lëndë narkotike e llojit kokainë në disa porcione. Nga operacioni, policia ka sekuestruar 3 automjete taksi, 18 aparate telefonike, shumën prej 50.000 lekësh të reja si dhe 4 doza kokainë.