Përgjimet, ja biseda mes Gani Abazit dhe kultivuesit të drogës
Hetimi/ Si u zbulua ish- zyrtari i policisë së Tepelenës “Hajde këtu të flasim pak, ti je ndryshe”
Zbardhja e tabulateve telefonike ka nxjerrë zbuluar ish- shefin e specialistëve të zonave në Komisariatin e Tepelenës, Gani Abazin, i cili akuzohet për veprat penale "Kultivim i lëndëve narkotike" dhe "Grup i strukturuar kriminal". Burime nga Prokuroria e Krimeve të Rënda dje bënë me dije se ish- zyrtari i policisë ka komunikuar direkt me kultivuesit e drogës. Mësohet se gjatë bisedës, Abazi i thotë kultivuesit të kanabisit "Hajde ktu të flasim pak", ndërsa ky i fundit i rekomandon të flasë me të vëllain. Kjo bisedë nuk është bërë nëpërmjet numrit të telefonit të ish- policit, por ky i fundit e ka telefonuar atë ( kultivuesin) nga telefoni i një kultivuesi tjetër. Ndërkohë, burimet e mësipërme pohuan se janë identifikuar të dy kultivuesit e drogës dhe janë shpallur në kërkim. "Gazeta Shqiptare" ka mundur të sigurojë bisedën telefonike mes Gani Abazit dhe kultivuesit. Pak ditë më parë, përveç Gani Abazit, për të njëjtat vepra penale u arrestua edhe Haki Hasanbegaj, shef i Rendit në Drejtorinë e Policisë së Qarkut Vlorë, si dhe Musa Bedinaj, kultivues dhe organizator.
SI U ZBULUA GANI ABAZI
Aktiviteti kriminal i Gani Abazit u zbulua gjatë hetimit të Elton Çiços, i cili u vra disa muaj më parë në Tiranë. Ky i fundit u vu në përgjim për tritolvëniet në makinat e dy vëllezërve, Ervis dhe Elton Imeri. "Më datë 11.07.2015, Prokuroria pranë Gjykatës së Shkallës së Parë Tiranë, ka regjistruar procedimin penal për veprat penale të ' Vrasjes me paramendim, të mbetur në tentativë' dhe ' Prodhimit dhe mbajtjes pa leje të armëve luftarake dhe municionit'. Në datën 11.07.2015, rreth orës 10: 00, shtetasi Elton Imeri kishte njoftuar sallën operative të Drejtorisë së Policisë së Qarkut Tiranë se poshtë automjetit të të vëllait Ervis Imeri ishte gjetur një sasi lënde plasëse. Nga këqyrja e vendit të ngjarjes është konstatuar se lënda plasëse përbëhej nga dy bateri të lidhura në seri, të shoqëruar me një paketë elektronike, e cila vihej në veprim nëpërmjet një pulti nga komandimi në distancë. Në datën 08.12.2015, Prokuroria pranë Gjykatës së Shkallës së Parë Tiranë ka regjistruar procedimin penal për veprat penale të ' Vrasjes me paramendim, të mbetur në tentativë' dhe ' Prodhimit dhe mbajtjes pa leje të armëve luftarake dhe municionit'. Në këtë datë, rreth orës 08: 00, në qendër të lagjes së quajtur ' Kombinat' ka shpërthyer në ecje automjeti tip ' Golf' me targë AA xxx BX me të cilin po udhëtonte shtetasi Elton Imeri, i cili ka mbetur i plagosur rëndë. Duke qenë se mekanizimi i kryerjes së veprimeve ishte i njëjtë në të dyja ngjarjet, të dëmtuarit ishin vëllezër dhe autori/ ët e dyshuar të njëjtë, është vendosur bashkimi i këtyre procedimeve. Nga studimi i akteve rezulton që këto ngjarje ta kenë zanafillën te një ngjarje e ndodhur në Tepelenë në muajin prill të vitit 2015 ku ishin dhunuar prindërit e Elton Çiços. Ervis Imeri, kishte shkuar në rrethinat e Tepelenës, ku kishte marrë me makinë shtetasin Robert Rama dhe disa persona të tjerë të cilët mund të kenë qenë autorë të kësaj ngjarjeje. Pas disa kohësh, Robert Rama është gjendur i vrarë në periferi të qytetit të Durrësit. Ekziston dyshimi që autor i këtyre ngjarjeve të ketë qenë Elton Çiço, i cili është vrarë në Tiranë. Nga veprimet e kryera për këtë hetim, kanë rezultuar edhe të dhëna të tjera, për të cilat ekzistonte dyshimi edhe për kryerjen e veprës penale të ' Kultivimit të narkotikëve' në Pak ditë më parë u bë me dije se nga hetimet e Prokurorisë për Krimet e Rënda ka rezultuar se shefi i Rendit në Vlorë, Haki Hasanbegaj ka qenë lidhje e ngushtë e Elton Çiços, i cili u vra pak javë pas largimit të Hasanbegajt nga Tepelena. Çiço dyshohej se ishte pjesë e një rrjeti të gjerë kultivimi dhe trafikimi të lëndëve narkotike në zonën e Tepelenës.
formën e bashkëpunimit të veçantë të ' Grupit të strukturuar kriminal'. Ekziston dyshimi që në këtë veprimtari të jenë të përfshirë edhe drejtues lokalë të policisë së Tepelenës dhe zonave përqark. Për këto arsye, më datë 14.06.2016 është vendosur shpallja e moskompetencës dhe kalimi i akteve Prokurorisë pranë Gjykatës së Shkallës së Parë për Krime të Rënda Tiranë, për hetim të mëtejshëm. Nga të dhënat e mësipërme rezulton se në rastin konkret ka të dhëna të mjaftueshme për ekzistencën e faktit kriminal, të kultivimit të bimëve narkotike, fakt i cili parashikohet si vepër penale në Kodin Penal. Njëkohësisht rezulton se personat e përfshirë në këtë aktivitet kriminal, kanë një formë të veçantë bashkëpunimi në kryerjen e veprës pe- nale, që për nga forma, struktura dhe qëllimi ka formën e grupit të strukturuar kriminal, sipas përkufizimit të parashikuar në dispozitat e ligjit material dhe procedural penal. Po ashtu rezulton se secili nga grupet e personave të përfshirë në këtë aktivitet kriminal, kanë krijuar lidhje të mëparshme nga punonjës të policive vendore, me qëllim mbrojtjen dhe shmangien nga asgjësimi i bimëve narkotike dhe mosdhënies së informacionit për parcelat e mbjella me bimë narkotike, kundrejt përfitimeve të parregullta", thuhet ndër të tjera në vendimin e gjykatës.