Lu, Vasilit: Mbështetje nga SHBA për “drejtësinë”
Ambasadori amerikan takon ministrin e ri të Drejtësisë Ministri: Kam shpenzuar kohë e energji për reformën
Ambasadori amerikan, Donald Lu vlerësoi dje se Ministria e Drejtësisë duhet të jetë një nga arkitektet e reformës në drejtësi. Në takimin e posaçëm me ministrin e ri të Drejtësisë, ambasadori Lu e ka inkurajuar në përfshirjen sa më aktive të reformës në drejtësi. Zyra e shtypit e ministrisë tha se “në nisje të takimit, ambasadori Lu është shprehur i kënaqur për marrjen e kësaj detyre nga ana e ministrit Vasili, duke vlerësuar se përmes eksperiencës së tij të gjatë në politikë, ai do të dijë ta drejtojë mjaft mirë këtë institucion. Gjatë diskutimit, ambasadori Lu ka garantuar ofrimin e të gjithë mbështetjes së nevojshme nga ana e Qeverisë së SHBA- ve dhe e ka inkurajuar ministrin Vasili për të qenë sa më aktiv në përfshirjen e tij në reformën në gjyqësor, duke vlerësuar se Ministria e Drejtësisë duhet të jetë një nga arkitektet e kësaj reforme.” Nga ana e tij, ministri Vasili, duke u ndalur në momentet aktuale të reformës, vlerësoi se tashmë ajo “është në një proces mjaft të rëndësishëm, atë të zbatimit”, dhe në këtë aspekt evidentoi nevojën që të gjithë aktorët të jenë të shpejtë dhe praktikë, në një kohë që është kristalizuar ngrehina kryesore, ajo kushtetuese. Rolin e OPDAT dhe EURALIUS, ministri Vasili e cilësoi si mjaft përcaktues për zgjidhjen e të gjitha atyre rrethanave të lidhura me reformën, që do të kërkonin një interpretim. Vasili e informoi ambasadorin Lu se Ministria e Drejtësisë, përmes ekspertëve të saj, po punon për paketën e 27 ligjeve, duke vlerësuar se një pjesë e tyre janë të një rëndësie prioritare dhe se për këtë qëllim ai vetë do të investohet për finalizimin e një pakete me ligje sa më efektive, të cilat do të jenë në shërbim të publikut, të cilin e konsideroi si aleatin më të madh. “Jam i interesuar në vetë të parë për finalizimin me sukses të reformës në drejtësi, për të cilën edhe më herët kam shpenzuar mjaft kohë dhe energji”, - përfundoi ministri Vasili. Takimi mes ambasadorit amerikan, Donald Lu dhe ministrit të ri të Drejtësisë vjen pak ditë pasi Petrit Vasili mori detyrën si ministër i Drejtësisë në vend të Ylli Manjanit. Nga ana tjetër, ambasadori Lu ka qenë në qendër të lajmeve dhe diskutimeve politike ditët e fundit, për shkak të përplasjes me kryeprokuror- Vasili e informoi ambasadorin Lu se Ministria e Drejtësisë, përmes ekspertëve të saj, po punon për paketën e 27 ligjeve, duke vlerësuar se një pjesë e tyre janë të një rëndësie prioritare. in Adriatik Llalla. Pas shkëmbimit të akuzave të ndërsjella, Lu deklaroi përmes një njoftimi zyrtar të ambasadës se “Shtetet e Bashkuara kanë marrë një angazhim përpara popullit shqiptar për të monitoruar çdo hap të zbatimit të reformës në drejtësi. Asnjë përpjekje për të na frikësuar apo për të minuar procesin e reformës, nuk do të na pengojë që të sigurojmë që ajo do të jetë e suksesshme për të parandaluar manipulimin politik dhe korrupsionin në gjyqësor. Ky është një premtim”. “Shtetet e Bashkuara kanë marrë një angazhim përpara popullit shqiptar për të monitoruar çdo hap të zbatimit të reformës në drejtësi. Asnjë përpjekje për të na frikësuar apo për të minuar procesin e reformës, nuk do të na pengojë që të sigurojmë që ajo do të jetë e suksesshme”, u shpreh ambasada pak ditë më parë.