Vota në OKB, MPJ: E informuam Nishanin
Vota kundër e Shqipërisë për çarmatimin bërthamor, replika mes kreut të shtetit dhe ministrit të Jashtëm Reagon presidenti: U interesova, MPJ nuk më dha informacion
“Presidenti shpreh keqardhjen për dezinformimet e përsëritura e të pavërteta të ministrit të Jashtëm, Ditmir Bushati, dhe nëse nuk do të ishte një çështje e rëndësishme e marrëdhënieve me SHBA, aleatin kryesor strategjik të Shqipërisë, si dhe vendet partnere në NATO, nuk do t’i kthente përgjigje dezinformimit të radhës të ministrit.”
DITMIR BUSHATI
“Ministria e Jashtme ka operuar në përputhje me të gjitha rregullat në fuqi. Sqarimi ynë ka qenë shterues, si për shqetësimin e ngritur nga deputetja Topalli, po ashtu i jemi përgjigjur edhe Presidentit të Republikës. Presidenti ka kërkuar shpjegim në rrugë shkresore, dhe ne ashtu i jemi përgjigjur”, - deklaroi ministri i Jashtëm.
Ministria e Jashtme dhe Presidenca vi juan edhe dje replikat në lidhje me votën e Shqipërisë për rezolutën e OKBsë në lidhje me armët bërthamore. Një ditë pasi presidenti mohoi të ketë marrë ndonjë përgjigje nga MPJja në lidhje me interesimin e tij mbi këtë çështje, nga Shkodra, ministri i Jashtëm, Ditmir Bushati deklaroi të kundërtën. “Shkresa që ka presidenti është një fakt lehtësisht i verifikueshëm”, theksoi Bushati, ndërsa shtoi se dikasteri i tij ka vepruar sipas ligjit. Sipas Bushatit, Ministria e Jashtme i është përgjigjur në formë shkresore presidentit, përpara deklaratës së të hënës që ministri bëri në komisionin parlamentar. “Ministria e Jashtme ka operuar në përputhje me të gjitha rregullat në fuqi. Sqarimi ynë ka qenë shterues, si për shqetësimin e ngritur nga deputetja Topalli, po ashtu i jemi përgjigjur edhe Presidentit të Republikës. Presidenti ka kërkuar shpjegim në rrugë shkresore, dhe ne ashtu i jemi përgjigjur”, - deklaroi nga Shkodra, ministri i Jashtëm, Ditmir Bushati. Por një tjetër dezinformim e cilësoi dje Presidenca pretendimin e dytë të ministrit Bushati, sipas të cilit, kreu i shtetit është informuar me shkrim në lidhje me çështjen e votës së Shqipërisë në OKB. Presidenca bëri me dije se ky reagim ka mbërritur mëngjesin e së martës, pasi zyra e Bujar Nishanit i bëri përgënjeshtrimin e parë ministrit të Jashtëm. Presidenca e mohoi përsëri këtë version të ministrit duke e cilësuar atë një tjetër dezinformim. “Edhe ky pretendim i ministrit Bushati nuk është aspak i vërtetë, pasi shkresa ka mbërritur në Presidencë dhe është regjistruar nga autoritetet e Gardës së Republikës, në orën 10: 00 të datës 07.02.2017, si dhe pak minuta më vonë nga strukturat e protokollit të Institucionit të Presidentit të Republikës. Këto janë lehtësisht të verifikueshme dhe jo preten- dimet dezinformuese të ministrit”, thekson Presidenca, ndërsa e shoqëron reagimin edhe me pamjet e regjistrit të Gardës së Republikës, ku është shënuar marrja në dorëzim e letrës nga korrieri Julian Janaqi, me nr. protokolli 1662. Pikërisht për të provuar këtë fakt, Presidenca publikoi dhe regjistrin e Gardës së Republikës, ku evidentohet se shkresa nga Ministria e Jashtme ka mbërritur në orën 10: 00 të datës 7 shkurt, duke kërkuar edhe një herë nga kreu i diplomacisë që të mos dezinformojë lidhur me një ngjarje kaq sensitive. “Presidenti i Republikës, Bujar Nishani shpreh keqardhjen për dezinformimet e përsëritura e të pavërteta të ministrit të Jashtëm, Ditmir Bushati, dhe nëse nuk do të ishte një çështje e rëndësishme e marrëdhënieve me Shtetet e Bashkuara të Amerikës, aleatin kryesor strategjik të Sh- qipërisë, si dhe vendet partnere në NATO, nuk do t’i kthente përgjigje dezinformimit të radhës të ministrit. Dezinformimit në Komisionin për Politikën e Jashtme, ministri Bushati i shtoi edhe një të ri, duke pretenduar se i është përgjigjur në formë shkresore presidentit përpara deklaratës së tij të ditës së djeshme në komisionin parlamentar. Edhe ky pretendim i ministrit Bushati nuk është aspak i vërtetë, pasi shkresa ka mbërritur në Presidencë dhe është regjistruar nga autoritetet e Gardës së Republikës, në orën 10: 00 të datës 07.02.2017, si dhe pak minuta më vonë nga strukturat e protokollit të Institucionit të Presidentit të Republikës. Këto janë lehtësisht të verifikueshme dhe jo pretendimet dezinformuese të ministrit”, thuhet në deklaratën e shpërndarë nga Presidenca. Presidenca publikoi dje regjistrin e Gardës së Republikës, ku evidentohet se shkresa nga Ministria e Jashtme ka mbërritur në orën 10: 00 të datës 7 shkurt, duke kërkuar sërish nga kreu i diplomacisë që të mos dezinformojë lidhur me një ngjarje kaq sensitive.