ZBULIMI I DURRËSIT
"Do gërmojmë sërish, muret që duken janë të vona" Drejtori i Institutit të Arkeologjisë, "Nuk është betonizuar asnjë Luan Përzhita: Punimet në shesh centimetër, vendimi do të mbeten të pezulluara merret brenda kësaj jave"
Asnjë vendim konkret nuk është marrë dje nga Këshil li Kombëtar i Arkeologjisë mbi zbulimin e bërë në Durrës pranë Torres. Dalja në dritë e një strukture muresh dhe një topi të 1800- ës bëri që çështja të dërgohej në Këshillin Kombëtar të Arkeologjisë për të vendosur aty nëse projekti "Veliera" i Bashkisë së Durrësit duhet të ndryshojë për të ruajtur zbulimet apo jo.
Konform Ligjit të Trashëgimisë dhe marrëveshjes mes Agjencisë së Shërbimit Arkeologjik, Bashkisë së Durrësit dhe Institutit të Arkeologjisë, për çdo zbulim në rast punimesh, të dhënat e marra në vend nga arkeologët e ASHA- s dhe Institutit dërgohen bashkë me raportet pranë KKA- së për të marrë një vendim nëse ndryshon projekti për të ruajtur gjetjet apo jo.
Gjatë ditës së djeshme, në një mbledhje të nisur rreth orës 15: 00 dhe të përfunduar në orën 19: 00, është vendosur që të bëhen sondazhe në vijim duke mbajtur në fuqi urdhrin për pezullim të punimeve në zonën ku janë bërë zbulimet. Luan Përzhita, drejtor i Institutit të Arkeologjisë tha dje për "GSH" se, "mbasi u shqyrtuan raportet e arkeologëve, u vendos që në vijim të bëhen sondazhe arkeologjike për të parë se me sa shtresëzime arkeologjike kemi të bëjmë, nëse ka dëshmi periudhash më të vjetra arkeologjike aty".
I pyetur se kur datojnë muret e dala në dritë dhe sa vlerë kanë, Përzhita tha dje për "GSH" se, "ajo shtëpi i takon shekullit të 19- të. Është një objekt i vonë, jo i Mesjetës. Është një banesë e shembur në vitin 1926 nga qeveria e kohës, kur u vendos që të ndërtohej Porti dhe Rriga e tregtarëve. Ajo në vetvete nuk është objekt arkeologjik, megjithëse për ndërtimin e saj janë marrë pjesë muresh nga ndërtime të vjetra, mbase romake. Ne na intereson të dimë se çfarë shtresash arkeologjike të hershme ka në truallin e asaj banese? Çfarë ka poshtë saj? Çfarë rëndësie kanë të dhënat që mund të kenë aty? Për këtë arsye, arkeologët do të vazhdojnë të bëjnë sondazhe arkeologjike dhe në varësi të asaj që do të dalë në dritë, do të marrim një vendim më vonë", tha Përzhita për "GSH". I pyetur nga "GSH" për akuzat e ditëve të fundit që thonë se pjesë muresh të vjetar janë betonizuar tashmë në kuadër të këtij projekti, drejtuesi i Institutit të Arkeologjisë mohoi. "Unë ju siguroj se asnjë centimetër mur nuk është betonizuar deri tani. Ne kemi bërë një marrëveshje para një muaji që asnjë gjë që del në dritë të mos betonizohet".
Edhe një tjetër burim i "GSH", pjesë e Këshillit Kombëtar të Arkeologjik tha se ende nuk është marrë një vendim përfundimtar dhe se për të arritur deri aty, nëse ato që kanë dalë në dritë deri tani do mbulohen apo do të ruhen duke ndryshuar projektin e bashkisë, do të priten rezultatet e sondazheve arkeologjike që ende nuk janë bërë.
Për aq sa është zbuluar deri tani, Përzhita tha se ka mes të tjerash edhe aluvione.
VENDIMI
Këshilli Kombëtar i Arkeologjisë në mbledhjen Nr. 2 të datës 09.02.2017, vendosi që 1- të miratojë Relacionin e verifikimit në terren të disa strukturave muresh, të zbuluara gjatë zbatimit të projektit “Sheshi publik para hyrjes së Portit të Durrësit”, Bashkia Durrës, realizuar nga Instituti i