Akademia e Shkencave kërkon anëtarë, kandidojnë 8 emra për dy vende
cave") etnolog, studiues i njohur dhe autor i një sërë botimesh për Eposin, Kadarenë( Dossier K), Agollin, Camajn, kodikët dhe prof. Aleksander Dhima një ndër themeluesit e antropologjisë dhe krijues i Laborator Antropologjik më 1976 dhe autor i monografisë "Gjurmime antropologjike për shqiptarët" ( Tiranë, 1985).
Duke ftuar kandidatët për aplikim përmes kësaj thirrjeje publike për pjesëmarrje, atë kohë ASH bënte me dije edhe procedurën që niste me një kërkesë personale për aplikim, drejtuar zyrtarisht Akademisë së Shkencave dhe mandej njoftohej edhe se të drejtën e propozimit të kandidatëve e kanë anëtarët e Akademisë, këshillat e profesorëve të fakulteteve apo të instituteve shkencore, si dhe senatet e shkollave të larta.
Në dosjen e konkurrimit, kërkohej: kopje e noterizuar e titullit "Profesor", dy referenca nga shkencëtarë me tituj dhe grada shkencore që kanë bashkëpunuar me ta, CV dhe kopje fizike të botimeve, brenda e jashtë vendit, fotokopje e kartës së identitetit/ pasaportës, që vërteton se kanë ose kanë pasur shtetësi shqiptare, dëshmi të tjera që, nëpërmjet punimeve dhe veprave shkencore, kanë dhënë ndihmesë të rëndësishme në zhvillimin e shkencës dhe formimin universitar e pasuniversitar të shkencëtarëve të rinj, kopjen e noterizuar të gradës "Doktor i shkencave", për të gjithë ata kandidatë që punojnë aktualisht pranë universiteteve e qendrave kërkimore jashtë vendit dhe kanë kontribute akademike, të cilat te- jkalojnë parashikimet e akteve ligjore e nënligjore në fuqi për kërkimin e titullit "Profesor". Në 11 pikat e thirrjes së hapur vërehet se kandidatët nuk duhet të kenë mbushur moshën e pensionit dhe se funksionarët e lartë të administratës shtetërore dhe të partive politike nuk mund të kandidojnë për t'u zgjedhur anëtarë të rregullt ose të asociuar të Akademisë gjatë ushtrimit të funksioneve të tyre. Periudha e aplikimit hapur më 5 dhjetor 2016 është mbyllur në datën 20 janar 2017.
KANDIDATET
Pranvera Lazo Genc Sulcebej Ylljet Alickaj Etem Ruka Lulzim Shuka Kristaq Kume Shaban Sinani Aleksandër Dhima
Procedura e përzgjedhjes sipas thirrjes nis me njohjen e vlerësimin e dosjeve të kandidatëve të regjistruar zyrtarisht në protokollin e ASH- së, pas përfundimit të periudhës së aplikimit. Para datës 25 janar në Akademi kandidatët kanë paraqitur arritjet e punës së tyre shkencore, në një dëgjesë të hapur prej 10 minutash. Mbledhja plenare e Seksionit, me votim të fshehtë dhe me shumicën e thjeshtë të votave ( jo më pak se 50 % + 1) të të gjithë anëtarëve të vet, ka bërë votimet e vetë për kandidaturat e paraqitura, ndërsa rezultatet e këtij votimi që ka vlerë këshillimore, si dhe dosjet e gjithë kandidatëve, i përcillen Kryesisë së Akademisë, e cila ia parashtron për shqyrtim e miratim Asamblesë në mbledhjen më të parë. Sipas procedurës, asambleja voton pa debat dhe në mënyrë të fshehtë. Shpallet fitues, kandidati që merr 50% + 1 të votave të ¾ të Asamblesë, e nëse asnjëri nga kandidatët nuk fiton votat e shumicës së të gjithë anëtarëve të Asamblesë së Akademisë ( jo më pak se 50%+ 1), votimi përsëritet veç e veç për kandidatët që kanë fituar jo më pak se 40 për qind të votave ( aq kandidatë sa është numri i caktuar) dhe fitojnë përfundimisht kandidati ose kandidatët që kanë marrë shumicën e thjeshtë të votave ( jo më pak se 50%+ 1) të anëtarëve të pranishëm të Asamblesë së Akademisë. Vendimi merret me 5 mars. fa. ni.