Gjurmimi i bibliotekës së FAIK KONICËS1
konkludohet me probabilitet të lartë që librat të kenë qenë në ruajtje, përdorim apo administrim të këtyre tre palëve:
a. Kisha e Shën Gjergjit – kjo vërtetohet nga fakti që librat u vendosën fillimisht në mjediset e kësaj kishe kur u tranportuan nga Uashingtoni, si dhe nga fakti tjetër që, pikërisht në Kishën e Shën Gjergjit u gjend edhe shtampa e famshme EX LIBRIS F. K, me të cilën Konica përgatiste etiketat që i ngjiste në kapakun e brendshëm të librave;
b. Qerim Panariti – kjo vërtetohet nga gjetja e tre librave të Konicës në sendet e fundit të Sarah Panaritit, të shoqes së Qerimit, libra që iu kthyen BKSHsë në 13 janar 2016;
c. Familja e Andon Athanasit – Kjo konfirmohet nga libri i parë i gjetur në zyrat e Vatrës në Nju Jork, në pjesën e materialeve dhe arkivave të Vatrës që ishin ruajtur prej shumë vitesh në magazinat e Athanasit në rrethet e Bostonit. Kjo vërtetohet më tej, madje katërcipërisht, nga fakti se gjetja e fundit e rëndësishme e BFK- së është nga biblioteka e familjes së Andon Athanasit.
5. Përfundime: Duke u nisur
Në bashkëpunim të ngushtë me Vatrën dhe komunitetin shqiptraro- amerikan, qeveria shqiptare mundësoi në vitin 1995 kthimin në atdhe të eshtrave të Faik K o n - icës. Dy dekada më vonë. bashkëpunimi midis komunitetit shqiptaro- amerikan dhe qeverisë shqiptare mundësoi kthimin në atdhe të një pjese të bibliotekës së humbur të Faik Konicës. Le të shpresojmë se, ashtu sikurse eshtrat e Faikut të madh u kthyen të plota në atdhe, edhe biblioteka e tij të mos mbetet e gjymtuar, por të kthehet një ditë e plotë në Bibliotekën Kombëtare të Shqipërisë, duke përmbushur më në fund amanetin, ende të patretur, të këtij rilindësi të shquar të kombit dhe shtetit shqiptar.
Tiranë, Nëntor 2016 Shënime 1 Coypright © Agron Alibali. Të gjitha të drejtat të rezervuara.
2 Autori është Senior Fellow në Universitetin e Massachusett- it në Boston. Kumtesa u paraqit në Seminarin e Vatrës për vitin përkujtimor për Faik Konicën - NYC, 26 nëntor 2016. Në pamundësi të pranisë së autorit, kumtesa u lexua nga z. Ahmet Xhafa, themelues i Shoqatës për të Drejtat e Njeriut "Çamëria" në SHBA.