Vasili letër Nishanit, Metës e Ramës: Bordi i ONM- së, jokushtetues
Ministri i Drejtësisë: Përfshirja e përfaqësuesve të ambasadave, jo ligjore
Ministri
i Drejtësisë, Petrit Vasili u ka dërguar dy ditë më parë një letër kryeministrit Edi Rama, presidentit Bujar Nishani, kreut të Kuvendit, Ilir Meta, ambasadorëve Lu e Vlahutin, duke iu shprehur shqetësimin për rolin e paqartë dhe ligjshmërinë e Bordit të Operacionit Ndërkombëtar të Monitorimit. Në këtë letër, sipas “Ora News”, ministri Vasili nënvizon se ky bord duhet të vazhdojë punën e tij vetëm pasi të bihet dakord mes palëve për rolin e tij. “Në të gjitha dispozitat, qoftë kushtetuese apo ligjore, nuk ka asnjë përcaktim mbi ngritjen e një Bordi të Menaxhimit të ONM. Në komunikimin e datës 7 shkurt 2017, janë caktuar 3 ekspertë të vendeve anëtare të Bashkimit Europian dhe 2 ekspertë të SHBA. Caktimi i këtyre ekspertëve është në respektim të plotë të kërkesave të Kushtetutës dhe ligjit sa i takon procesit të rivlerësimit kalimtar të gjyqtarëve dhe prokurorëve, pasi këta do të jenë organi i ngarkuar që do të realizojnë vëzhgimin e pavarur”, thuhet në letrën e Vasilit. “Ndërkohë, qeveria shqiptare ka detyrimin të vërë në dispozicion të tyre gjithçka, duke filluar nga infor macioni i plotë ligjor e dokumentar, deri në garantimin e mjeteve logjistike. Çdo parashikim tjetër sa i takon Bordit të Menaxhimit të Operacionit Ndërkombëtar të Monitorimit, përbërjes, rolit të tij të paqartë në këtë proces, anëtarësisë së tij me pjesëmarrës të përkohshëm si dhe përfshirja brenda tij të përfaqësuesve të ambasadave respektive, nuk gjejnë mbështetje qoftë në Kushtetutë apo në ligj”, thuhet më tej në letër.