Bordi i ONM, Gjosha ankesë te Hahn: Zgjidhni ngërçin
Ministrja e Integrimit i çon letër komisionerit të Zgjerimit, pas letrës së Vasilit “Calavera shmangu nga informimi dy ministri e presidentin”
Ministri i Drejtësisë, Petrit Vasili u ka dërguar tri ditë më parë një letër kryeministrit Edi Rama, presidentit Bujar Nishani, kreut të Kuvendit, Ilir Meta; ambasadorëve Lu e Vlahutin, duke u shprehur shqetësimin për rolin e paqartë dhe ligjshmërinë e bordit të ONM. Në këtë letër, Vasili shprehet se bordi i ONM është i paligjshëm.
PANDELI MAJKO
Deputeti i PS- së i cilësoi politike diskutimet për ONM. “Ndërkombëtarët do të vijnë për të na vëzhguar ne se si do ta kryejmë procesin e verifikimin e prokurorëve dhe gjykatësve. Nuk do të jemi ne që vëzhgojmë ndërkombëtarët në punën e tyre. Nuk kanë ardhur këtu për të na shkelur Kushtetutën dhe ligjet tona”, tha dje Majko.
Ministrja e Integrim it, Klajda Gjosha i shprehu dje komisionerit për Zgjerimin në BE, Johannes Hahn shqetësimin për ngritjen e Bordit të Menaxhimit të Operacionit Ndërkombëtar të Monitorimit. Në një letër, që pason ankesën që ministri i Drejtësisë, Petrit Vasili i kishte përcjellë edhe ministres së Integrimit, Gjosha shkruan: “Vëzhguesit emërohen nga radhët e gjyqtarëve ose prokurorëve me jo më pak se 15 vite eksperiencë në sistemin e drejtësisë së vendeve të tyre përkatëse”. Në asnjë moment, as Kushtetuta dhe as dispozitat ligjore nuk përcaktojnë ngritjen e një strukture mbi Operacionin Ndërkombëtar të Monitorimit, siç parashikohet në shkresën e znj. Calavera, Bordi i Menaxhimit të ONM - së”. “Bazuar shkresës së dërguar nga Ministria e Drejtësisë, komunikimi i znj. Calavera ngre gjithashtu një shqetësim mbi ligjshmërinë e procesit të funksionimit dhe strukturimit të asaj pjese të Operacionit Ndërkombëtar të Monitorimit, që sipas dokumenteve të sipërcituara është cilësuar si Bordi i Menaxhimit të Operacionit Ndërkombëtar të Monitorimit”, nënvizon Gjosha. Ndaj, ajo i kërkon Hahn angazhimin për zgjedhjen e ngërçit.
LETRA E PLOTË
Z. JOHANNES HAHN KOMISIONERI EUROPIAN I POLITIKËS FQINJËSORE DHE NEGOCIATAVE PËR ZGJERIM KOMISIONI EUROPIAN I dashur z. Komisioner Hahn,
Në cilësinë e ministres së Integrimit Europian, dëshiroj të ndaj me ju disa shqetësime të ngritura së fundmi mbi një shkresë të dërguar nga znj. Calavera në datën 7 shkurt 2017, në cilësinë e kryetares së Bordit të Menaxhimit të Operacionit Ndërkombëtar të Monitorimit, shkresë kjo e cila më është bërë e ditur nga media shqiptare dhe më pas i njëjti shqetësim më është përcjellë me shkresë zyrtare Nr. Prot. 1094/ 1, datë 14.02.2017 nga ministri i Drejtësisë, z. Petrit Vasili.
Korrespondenca e sipërcituar e datës 7 shkurt ngre pikëpyetje të mëdha lidhur me komunikimet zyrtare të mbajtura, duke lënë jashtë informimit një sërë institucionesh kyçe në këtë proces si Presidentin e Republikës, Ministrinë e Drejtësisë, por edhe Ministrinë e Integrimit Europian si interlokutore kryesore mes Komisionit Europian dhe Autoriteteve Shqiptare. Bazuar shkresës së dërguar nga Ministria e Drejtësisë, komunikimi i znj. Calavera ngre gjithashtu një shqetësim mbi ligjshmërinë e procesit të funksionimit dhe strukturimit të asaj pjese të Operacionit Ndërkombëtar të Monitorimit, që sipas dokumenteve të sipërcituara është cilësuar si Bordi i Menaxhimit të Operacionit Ndërkombëtar të Monitorimit. Kushtetuta e Shqipërisë shpreh qartësisht se “Vëzhguesit emërohen nga radhët e gjyqtarëve ose prokurorëve me jo më pak se 15 vite eksperiencë në sistemin e drejtësisë së vendeve të tyre përkatëse”. Në asnjë moment, as Kushtetuta dhe as dispozitat ligjore nuk përcaktojnë ngritjen e një strukture mbi Operacionin Ndërkombëtar të Monitorimit, siç parashikohet në shkresën e znj. Calavera, Bordi i Menaxhimit të ONMS- së.
Të gjithë ekspertët që do të jenë pjesë e ONM- së, në nivel profesional dhe teknik, të cilët do të garantojnë një proces transparent të rivlerësimit paraprak të prokurorëve dhe gjyqtarëve në Shqipëri janë jo vetëm ligjërisht të mirëpritur, por do të kenë gjithashtu të gjithë mbështetjen institucionale dhe logjistike për të kryer detyrën e tyre, siç e parashikon Kushtetuta dhe ligji. I dashur zoti Komisioner, Ju keni qenë një ndër aktorët kyç në arritjen e konsensusit historik të reformës në drejtësi të 21- 22 korrikut 2016, ndaj është e rëndësishme që kjo frymë konsensuale të vijojë edhe përgjatë implementimit të kësaj reforme, jo vetëm si një ndër kushtet kryesore të çuarjes përpara të procesit të integrimit të Shqipërisë, por edhe të ndërtimit të një shteti ligjor demokratik me institucione funksionale dhe standarde evropiane. Qytetarët shqiptarë janë ata që i kanë dhënë një besim të plotë kësaj reforme përmes bindjes se Operacioni do të ketë edhe 5 anëtarë të tjerë, 3 juristë që do të vijnë nga vendet e Bashkimit Europian dhe 2 nga Shtetet e Bashkuara të Amerikës, të cilët do të kalojnë në sitë gjithë gjyqtarët dhe prokurorët në vend. Kryetarja Calavera siguroi se ky mision do të ketë vetëm rol monitorues dhe jo ekzekutiv.
Bashkimi Europian do të jetë garantuesi i transparencës, parimeve të gjithëpërfshirjes, paanshmërisë dhe zbatimit pa kompromis të ligjit. Bazuar sërish në shqetësimet e ngritura nga Ministria e Drejtësisë, e cila propozon “kthimin në rrugën e Kushtetutshmërisë dhe ligjit të kësaj çështjeje me qëllim diskutimin e prob-
lematikës së lindur me krijimin e këtij Bordi” në cilësinë e ministres së Integrimit Europian do të kërkoja angazhimin tuaj personal në nisjen e një komunikimi zyrtar me përfaqësimin e të gjithë aktorëve kryesorë lidhur me reformën në drejtësi, për të bërë të mundur vijueshmërinë me korrektësi të këtij procesi.