Llalla: Procesi transparent, çojeni në Kushtetuese
Lista e kandidatëve të KED, kryeprokurori i përgjigjet me letër kryetarit të Komisionit të Ligjeve “Prokuroria e Përgjithshme zbatoi rigorozisht ligjin”
Prokurori i Përgjiths hëm, Adriatik Llalla i dërgoi dje një letër Presidentit të Republikës, Bujar Nishani; kreut të Kuvendit, Ilir Meta e për dijeni edhe kreut të Komisionit parlamentar të Ligjeve, Fatmir Xhafaj për të shpjeguar mënyrën e përzgjedhjes së kandidatëve për Këshillin e Emërimeve në Drejtësisë. Pak ditë më parë, kreu i Ligjeve, Xhafaj tha se kjo përzgjedhje nga ana e Prokurorisë dhe KLD- së kishte shmangur mjaft kandidatë nga gara, ndërkohë që ky ishte një kriter për një moment të dytë dhe jo për atë që Xhafaj e quan “Këshilli i Përkohshëm”. Në letrën e djeshme, kryeprokurori Adriatik Lalla shprehet: “Prokuroria e Përgjithshme ka zbatuar rigorozisht kuadrin kushtetues e ligjor për zhvillimin e një procesi të drejtë dhe transparent”. Duke cituar nenin 221, të ligjit nr. 115/ 2016, ‘ Për Organet e qeverisjes së Sistemit të Drejtësisë’”, Llalla thekson se, “në zbatim të kësaj dispozite ligjore janë verifikuar rast pas rasti të gjithë kandidaturat që plotësonin kushtet për të qenë anëtarë të Këshillit të Emërimeve në Drejtësi nga Prokuroria e Përgjithshme dhe Prokuroritë e Apeleve. I gjithë informacioni i disponuar lidhur me kandidatët është vënë në dispozicion Kuvendit të Shqipërisë. Megjithëse vlerësojmë se diskutimi mbi procedurat e përzgjedhjes së kandidatëve për anëtarë të KED përbën një çështje të sqaruar për institucionet dhe opinionin publik, duam të sjellim në vëmendjen tuaj disa momente të rëndësishme që organi i Prokurorisë ka pasur në konsideratë gjatë këtij procesi”, e nis letrën e tij Llalla. “Me hyrjen në fuqi të ligjit ‘ Për disa shtesa e ndryshime në ligjin ‘ Kushtetuta e Republikës së Shqipërisë, të ndryshuar’, Presidenti i Republikës filloi procedurat për përzgjedhjen me short të anëtarëve të Këshillit të Emërimeve në Drejtësi”, citohet letra. Përmes një shkrese, siç njofton prokurori, sekretari i përgjithshëm i Presidencës i është drejtuar zyrës së Prokurorit të Përgjithshëm duke kërkuar informacion mbi listën e prokurorëve të Prokurorisë së Përgjithshëm dhe prokurorive të apeleve, ndaj të cilëve nuk ishte dhënë masë disiplinore. Më tej, prokurori njofton në letër se Prokuroria e Përgjithshme ka përcjellë pranë zyrës së Presidentit të Republikës që në 5 gusht të 2016, listën emërore të prokurorëve të Prokurorisë së Përgjithshme dhe të prokurorive të apeleve, ku evidentohen vetëm dy emra prokurorësh, që nuk ishin përfshirë në listë për shkak se ndaj tyre ishte marrë më parë masë disiplinore. Siç është bërë publike - vijon letra - ky proces u ndërpre nga ana e presidentit për shkak se nuk ishte miratuar ligji i posaçëm, ku do të parashikoheshin kriteret ligjore që duhet të plotësonin kandidatët”. Prokurori bën të ditur se më 16 gusht po të 2016- ës, pas disa tryezash konsultimi me faktorin politik, organizmat ndërkombëtarë dhe të shoqërisë civile, Presidenti i Republikës vlerësoi se “ndodhemi në rastin e rezervës ligjore absolute, ku norma kushtetuese ia rezervon vetëm ligjit rregullimin e kritereve të tjera për shkallën e kualifikimit të kandidatëve, të cilët do t’i nënsh- trohen shortit për Këshillin e Emërimeve në Drejtësi”. Ndaj - shprehet prokurori - u pranua nga të gjithë që procesi nuk mund të zhvillohej pa miratimin në ligj të kritereve që duhet të përmbushnin kandidatët. E pas renditjes së të gjitha kritereve të përcaktuara në ligj, Llalla shkruan: “Bazuar sa më sipër, Prokuroria e Përgjithshme ka zbatu- ar rigorozisht kuadrin kushtetues e ligjor në zhvillimin e një procesi të drejtë e transparent. Megjithatë, çdo interpretim dhe vlerësim mbi kushtetutshmërinë e procedurave të përzgjedhjes së kandidatëve të KED nga prokurori i përgjithshëm mund të jetë objekt shqyrtimi nga Gjykata Kushtetuese”, përfundon Llalla. Kreu i Komisionit të Ligjeve, Fatmir Xhafaj, nëpërmjet një memoje dërguar krerëve të institucioneve të drejtësisë dhe të shtetit deklaroi se kandidatët e përzgjedhur nga kryeprokurori Adriatik Llalla si dhe nga sekretari i Përgjithshëm i Këshillit të Lartë të Drejtësisë për emërimet në KED janë në kundërshtim me Kushtetutën dhe ligjin përkatës.