Harito: Janë 1082 vende të lira, rekrutimet jo për arsye zgjedhore
Ministrja e Inovacionit prezanton pozicionet e reja në administratë
Ministrja
e Inovacionit, Milena Harito, prezantoi dje, para studentëve të Fakultetit të Drejtësisë, planin e ri të rekrutimeve në Administratën Publike. Sipas saj, këtë vit në shërbimin civil janë të hapura 1082 vende të lira pune. "Këtë vit kemi 1082 pozicione të hapura në shërbimin civil. Nga këto, një pjesë janë për pozicione përgjegjësish dhe drejtorësh, të cilët përzgjidhen brenda sistemit, me qëllim që të promovojmë atë. Rekrutimi nga jashtë bëhet në nivel specialistësh. Pra, edhe një herë ata që duan të marrin më shumë përgjegjësi mund të ngrihen në detyre, brenda sistemit", tha Harito. Ministrja e Inovacionit bëri të ditur edhe numrin e ri të vendeve të lira të punës në nivel specialistësh, ku sipas saj: "Pra, 675 pozicione këtë vit, për të gjithë ata që janë skeptikë dhe do thonë janë pozicione që hapen, sepse është vit zgjedhor, po u kujtoj që është ekzaktësisht praktikisht i njëjti nivel rekrutimesh që kemi 3 vitet e fundit. Pra, çdo vit kemi pasur rreth të njëjtin numër pozicionesh dhe çdo vit, gjithashtu, pikër- isht sepse kemi ngritur këtë sistem meritokratik, nuk arrijmë ti plotësojmë të gjitha pozicionet, pra unë them që prova më e mirë që ky sistem është meritokratik është që ngelen vende bosh. Sepse po të ishte që t'i mbushnim vendet me militantë ose me familjarë do ishte gjëja më e thjeshtë në botë, mjaftojnë disa telefona dhe vendet plotësohen", sqaroi ministrja. "Fakti që ne nga një vit në tjetrin mbartim pozicione të pa përmbushura, është pikërisht, sepse kemi vënë kritere, kërkojmë cilësi, procesi është kompetitiv dhe për këtë arsye kemi vende bosh", tha Harito. Sipas saj, "reforma e administratës publike është një nga 5 prioritetet që i janë vendosur Shqipërisë. Kjo është një arsye më shumë pse duam një administratë stabël dhe profesioniste".