Rrëzohen 4 katet shtesë të pallatit 22- katësh, banorët: U tmerruam
Kryebashkiaku Dako: Firmës nuk i dhamë leje për punime, s'plotëson kushtet ligjore Firma: Shkak, amortizimi i skelerive, fajtore bashkia
Katër katet e një pal lati 22- katësh janë shembur pasditen e djeshme në plazhin e Shkëmbit të Kavajës në Durrës, por fatmirësisht nuk pati persona të lënduar. Rrëzimi i kateve të sipërme ( ishin konstruksione metalike) të objektit në pronësi të biznesmenit të njohur Enver Shala ka shkaktuar panik tek banorët, të cilët kanë deklaruar se kanë përjetuar minuta tmerri. Sipas banorëve, pallati në fjalë ka vite që ka përfunduar, ndërsa katet e sipërme ishin shtesë pa leje dhe punimet për to ishin ndërprerë, duke lënë aty kolonat prej betoni dhe hekuri, të cilat për shkak të amortizimit u rrëzuan. Të terrorizuar, banorët kanë njoftuar policinë, e cila ka shkuar menjëherë në vendngjarje dhe kanë nisur hetimet. Sipas bluve, ngjarja ka ndodhur rreth orës 13: 15 në lagjen nr. 13 të Durrësit. Nga ana tjetër, mësohet se biznesmeni Shala ka marrë leje ndërtimi për pallatin 22katësh ( 20- të mbi tokë dhe 2 nën tokë), por punimet për përfundimin e katër kateve të sipërme ishin ndërprerë që prej 8 vitesh që kur ish- komuna e Rrashbullit kërkoi në gjykatë prishjen e këtij pallati për shkak se Enver Shalës i është prishur edhe një tjetër biznes, siç ishte kompleksi "Kamelia" në Durrës në vitin 2013. Ai po ashtu është ndërtuesi i një tjetër pallati gati 30- katësh në afërsi të portit të Durrësit, ku 8 kate shtesë janë pa leje. Kur u ndërtuan katet pa leje, këshilli bashkiak vendosi shembjen e tyre, por asnjë firmë nuk mori përsipër riskun të shembte katet e sipërme të një godine kaq të madhe. Shala me një vendimin të datës 17 maj 2014 të gjykatës së Durrësi është arrestuar për "Ndërtim pa leje".
ishte ndërtuar në vijën e parë të bregut të detit. Ndonëse gjykata vendosi në favor të biznesmenit, ky i fundit nuk ka arritur t'i përfundonte punimet për shkak të disa dokumenteve që i mungonin. Në lidhje me këtë ngjarje kanë reaguar juristët e firmës, të cilët akuzuan drejtpërsëdrejti Bashkinë e Durrësit, por edhe kryebashkiakun Vangjush Dako.
REAGIMET
Juristi i firmës "Shala end Co", Ibrahim Beja ( banor i pallatit) tha se janë fituar të gjitha betejat ligjore për pallatin. Sipas tij, prej 8 vitesh është aplikuar nga ana e shoqërisë për leje ndërtimi shtesë për katet e papërfunduara, por nuk kanë marrë asnjë përgjigje nga Bashkia e Durrësit. "Rënia e skelerive dhe ndonjë tragjedi mund të shmangeshin nëse Bashkia e Durrësit do t'u kishte dhënë përgjigje kërkesave të njëpasnjëshme të subjektit për të zhvilluar punimet", është shprehur Beja. Ndërkaq, ka reaguar dhe kryebashkiaku Vangjush Dako. Nëpërmjet një përgjigjeje zyrtare, Dako deklaroi se pallati në fjalë është ndërtuar para vitit 2015, në kohën që kjo zonë ishte nën varësi të ish- komunës Rrashbull. "Pallati
është ndërtuar para se kjo zonë të kalonte nën administrim të Bashkisë së Durrësit. Neve si bashki na kanë dërguar një kërkesë më 16 korrik të vitit 2016 dhe u kemi kthyer përgjigje. E kemi refuzuar dhënien e lejes për firmën në fjalë, pasi ajo nuk plotëson kushtet ligjore, ndërsa mungon edhe projekti teknik i realizimit të punimeve.
BANORËT
Dëshmitarë okularë në vendin e ngjarjes u shprehën dje për "Gazeta Shqiptare" se gjithnjë kanë qenë të shqetësuar nga skeletet metalike në katet e sipërme të pallatit. Disa prej tyre thanë se gjatë verës që shkoi një grup turistësh polakë ngritën shqetësimin e konstruksioneve metalike që qëndronin të palëvizura. Ndërsa, njëri nga banorët tregoi se kishte qëndruar në verë në katin e 11- të të këtij pallati për pushime së bashku me familjen. "Pyeta përse nuk bëheshin punime në katet e sipërme që ishin të papërfunduara, por më thanë që punimet ishin pezulluar nga Inspektorati i Ndërtimit. Ne kishim frikë se mos binin skeleritë. Sot ( dje) shyqyr Zotit, skeleritë nuk kanë zënë asnjë njeri", pohoi ai.