Zaev për kërkesën e gjuhës shqipe: Po e shqyrtojmë sa e nevojshme është
Ahmeti: Jemi në pritje të shohim se çfarë ofrojnë
Kryetari
i Lidhjes So cial- Demokrate në Maqedoni, Zoran Zaev, i cili pretendon të marrë mandatin për formimin e qeverisë, tha se kishte pranuar shkresën nga Bashkimi Demokratik për Integrim, dhe se partia e tij po e analizon përgjigjen e partisë shqiptare. Zaev priste të siguronte nënshkrimet e dhjetë ligjvënësve të BDI- së, të cilat do t'i mundësonin marrjen e mandatit. Sa i përket këmbënguljes së BDI- së dhe partive të tjera shqiptare që gjuha shqipe në Maqedoni të bëhet gjuhë e dytë zyrtare në nivel të pushtetit qendror dhe në të gjithë vendin, Zaev la të kuptohej se për partinë e tij gjithçka që është brenda kornizave kushtetuese është e pranueshme. "Por do të shqyrtohet nëse kërkesat kanë të bëjnë me nevojën reale dhe praktike të përdorimit, si për komunitetin shqiptar, po ashtu edhe për secilën pakicë tjetër etnike", - tha ai. As Lidhja SocialDemokrate e as Bashkimi Demokratik për Integrim nuk japin hollësi mbi përmbajtjen e dokumentit të BDIsë, për çka janë konsultuar ekspertë ligjorë mbi avancimin, sidomos të përdorimit të gjuhës shqipe në Maqedoni. Maqedonia ende nuk po arrin të formojë qeverinë që prej zgjedhjeve të 11 dhjetorit. Votat e deputetëve të
ALI AHMETI
"Pa materiale të shkruara, LSDM- ja nuk do t'i marrë nënshkrimet e BDIsë. Jemi në pritje të shohim se çka ofrojnë, pastaj BDIja do të mbledhë kryesinë qendrore për të vendosur", - u shpreh Ahmeti, i cili pranoi se po mbahen takime të vazhdueshme paralele me VMRODPMNE- në dhe LSDM- në.
BDI- së në parlament janë vendimtare për këtë. Por, me gjasë, qëndrimet e kësaj partie, sipas analistëve, duket se po e çojnë vendin drejt formimit të një qeverie të gjerë, gjithëpërfshirëse, dhe drejt zgjedhjeve të reja parlamentare. Eurokomisioneri Johannes Hahn ishte në Maqedoni, ku bisedoi me partitë politike për të vendosur për koalicionin e ri qeverisës. Hahn ka zhvilluar takime të ndara me Ali Ahmetin, kryetarin e BDI- së dhe Zoran Zaev, liderin e LSDM- së. Pas takimit me eurokomisionerin Johannes Hahn, Ali Ahmeti deklaroi se partia e tij nuk do t'ia mundësojë marrjen e mandatit Zaevit nëse ky nuk ofron marrëveshje me shkrim për kërkesat e partive shqiptare. "Pa materiale të shkruara, LSDM- ja nuk do t'i marrë nënshkrimet e BDI- së. Jemi në pritje të shohim se çka ofrojnë, pastaj BDI- ja do të mbledhë kryesinë qendrore për të vendosur", - u shpreh Ahmeti, i cili pranoi se po mbahen takime të vazhdueshme paralele me VMRO- DPMNE- në dhe LSDM- në. "Është normale të bisedoj me Gruevskin, sepse jemi partnerë koalicioni për 10 vjet", - tha Ahmeti.