KQZ: 6 deputetët e PS, PD e Rama i LSI “shpëtojnë” mandatin
Reagimi ndaj prokurorisë, 19 deputetë e 11 kryebashkiakë me shënime në vetëdeklarime Gaçi e Prenga nuk janë në kushtet e ndalimit të funksionit
Komisioni Qendror i Zgjedhjeve njoftoi dje, se nga 140 deputetë, 121 prej tyre nuk kanë asnjë të dhënë të shënuar në Formularin e Vetëdeklarimit apo në vërtetimet e gjendjes gjyqësore. Pas vetëdeklarimeve të deputetëve, kryetarëve të bashkive apo këshilltarëve bashkiakë, kërkesë kjo e ligjit të dekriminalizimit, zëdhënësja e KQZ- së, Drilona Hoxhaj njoftoi dje, se “19 prej deputetëve kanë të dhëna në një ose disa nga rubrikat në Formularin e Vetëdeklarimit, apo kanë shënime në vërtetimet e gjendjes gjyqësore”. Nga 19 anëtarë të Këshillit të Ministrave, pra ministra që nuk janë deputetë, nuk ka asnjë të dhënë të shënuar në Formularin e Vetëdeklarimit apo në vërtetimet e gjendjes gjyqësore. Sa u përket 61 kryetarëve të bashkive: 50 prej tyre nuk kanë asnjë të dhënë të shënuar në Formularin e Vetëdeklarimit apo në vërtetimet e gjendjes gjyqësore; 11 prej tyre kanë plotësuar të dhëna në një ose disa nga rubrikat në Formularin e Vetëdeklarimit, apo kanë shënime në vërtetimet e gjendjes gjyqësore. KQZ- ja ka verifikuar 1595 anëtarë të këshillave bashkiakë që kanë dorëzuar formularët e vetëdeklarimit në KQZ. “Nga shqyrtimi i dokumentacionit ( formularë vetëdeklarimi, vërtetime të gjendjes gjyqësore, dokumentacion dorëzuar nga vetë subjektet), funksionarët publikë, Alban Zeneli, Andrea Marto, Arben Ristani, Armando Prenga, Adem Lala, Agron Kapllanaj, Artur Bardhi, Adriatik Zotkaj, Edi Paloka, Edmond Themelko, Fatmir Mehdiu, Parid Cara, Spartak Braho, Shkëlqim Selami, Tom Doshi, Tërmet Peçi, Vladimir Kosta dhe Ylli Shehu kanë shënime në formularët e vetëdeklarimit, por nuk janë në kushtet e ndalimit të ushtrimit të funksionit”, - tha zëdhënësja e KQZ- së, Hoxhaj.
Po kështu, “nga verifikimi i dokumentacionit ka rezultuar se deputetët Armando Prenga, Asllan Dogjani, Andrea Marto, Florion Mima dhe kryebashkiakët Artur Bardhi, Adem Lala, Ndrec Dedaj, Zef Hila, nuk kanë shënuar asgjë në rubrikat e formularit të vetëdeklarimit por, sipas vërtetimit të gjendjes gjyqësore rezulton
se kanë dënime me vendim të formës së prerë, fillim të procedimit penal apo shqyrtime nga gjykatat shqiptare, për vepra penale të cilat nuk përfshihen në kushtet për ndalimin e ushtrimit të funksionit”.
KUSHTETUTA
Duke cituar nenin 45/ 3 të Kushtetutës dhe ligjin për dekriminalizimin, “Komisioni Qendror i Zgjedhjeve thekson se, funksionarët publikë kanë detyrimin të deklarojnë të dhëna për dënime me burgim me vendim të formës së prerë për veprime apo mosveprime brenda apo jashtë
territorit të Shqipërisë, të cilat konsiderohen ‘ krime’ dhe jo dënimet me gjobë, në kuptim të Kodit Penal të RSH”. “Bazuar në nenin 11 të ligjit të dekriminalizimit, KQZ- ja duhet të bëjë kallëzim penal për ata funksionarë që nuk kanë deklaruar dënime vetëm për ato krime të cilat përbëjnë shkak për përfundimin e ushtrimit të funksionit”, - u shpreh zëdhënësja Hoxhaj. Ajo sqaroi se për funksionarët e sipërcituar, të dhënat e padeklaruara nuk përbëjnë shkak për ndalim të ushtrimit të funksionit apo për kallëzim penal. Nisur nga Deputeti i PD- së sqaroi dje, se në vitin 2004, kur ishte drejtor policie në Shkodër, nisën një operacion për kapjen e një personi shumë të rrezikshëm për disa vrasje. Dogjani sqaron se, pas dështimit të disa operacioneve, morën vesh se dekonspiroheshin nga një polic i komisariatit të Shkodrës. Ai shprehet se e uli në detyrë policin e dyshuar. Dhe, si përfundim, u kap personi i kërkuar, por nga ana tjetër Dogjani mësoi se “polici i dyshuar si i lidhur me personin në kërkim për vrasje e ka paditur në gjykatën e Shkodrës për shpifje ndaj tij”, por çështja është pushuar.
akuzat e Prokurorisë zëdhënësja sqaroi dje, se “kërkesat e tyre për plotësimin e të dhënave kanë qenë ose për ndryshim gjeneralitetesh, ose për të dhëna mbi dënime me gjobë për shpifje, armëmbajtje pa leje, fyerje etj. Vetëm 1 kërkesë për plotësim, është bërë për dënim me burg ( 45 ditë), për kalim të paligjshëm kufiri në vitin 1990. Këto kërkesa, janë depozituar dhe pranuar në KQZ përgjatë periudhës qershor- korrik 2016”. “Pranimi nga Komisioni Qendror i Zgjedhjeve i plotësimit të të dhënave pas afatit ligjor, i shërben qëllimit të
ligjit, pasi ndihmon në bërjen e plotë të transparencës dhe verifikimit sa më real për të gjithë funksionarët publikë që janë subjekt i këtij ligji”, - tha zëdhënësja e KQZ- së. “Për sa u përket disa pretendimeve të ngritura së fundmi nga Prokuroria e Përgjithshme në drejtim të KQZ- së, institucio-
ni ynë siguron qytetarët dhe opinionin publik se, e gjithë veprimtaria jonë për zbatimin e ligjit të dekriminalizimit, është kryer dhe do të vijojë të kryhet me përgjegjshmëri të lartë dhe në përputhje të plotë me Kushtetutën dhe legjislacionin në fuqi”, shprehet KQZ.