Prokuroria kërkon shenjat e gishtave për 8 zyrtarë
“Dekriminalizimi”, hetime për 5 deputetë e 3 kryebashkiakë, sekuestrohen dokumentet në KQZ Rakipi i PDIU: T’u jepet fund lojërave politike, jam i pafajshëm
Prokuroria e Përgjiths hme u bëri thirrje 8 zyr tarëve, 5 deputetëve dhe 3 kryebashkiakëve që të japin shenjat e gishtërinjve, për shkak të hetimeve për dekriminalizimin. Sektori i Dekriminalizimit në Prokurorinë e Përgjithshme u ka kërkuar këtyre pesë deputetëve të paraqiten brenda 5 ditëve në Institutin e Policisë Shkencore dhe të japin shenjat e gishtave, me qëllim që të krahasohen me të dhënat që disponon deri në këto momente prokuroria nga institucionet ligjzbatuese të vendeve të huaja, bën me dije “BalkanWeb”. Burime nga prokuroria bëjnë me dije se deputetët janë: dy nga PDIU, Omer Mano e Aqif Rakipi, Artan Gaçi nga PS, Gledion Rehovica nga LSI dhe Mhill Fufi nga PD. Po kështu, shenjat e gishtave janë kërkuar edhe për 3 kryebashkiakët e përmendur edhe pak ditë më parë: Kryebashkiaku i Pogradecit Eduard Kapri ( PD), kryebashkiaku i Poliçanit Adriatik Zotkaj ( PS) si dhe kryebashkiaku i Tepelenës, Tërmet Peçi ( PS). Në kuadër të hetimeve për dekriminalizimin nga ana e Prokurorisë së Përgjithshme, për deputetë apo dhe kryetarë bashkish që kanë shkelur ligjin, sot oficerë gjyqësorë janë paraqitur pranë Komisionit Qendror të Zgjedhjeve. “News24” dhe “BalkanWeb” mësojnë se oficerët gjyqësorë do të sekuestrojnë dokumentet e KQZ- së lidhur me emrat që ata po hetojnë. Prokuroria ka dyshime se KQZ- ja ka kryer shkelje, pasi ka pranuar që shumë deputetë ta plotësojnë formularin e vetëdeklarimit jashtë afatit të përcaktuar. Po ashtu, burime të rezervuara thonë për “BalkanWeb” se prokuroria mund të kërkojë edhe shenjat e gishtave të këtyre deputetëve që po hetohen. Në sajë të dekriminalizimit, Prokuroria e Përgjithshme po heton një numër të madh deputetësh, ndërsa disave prej tyre u është hequr mandati. Këtu përmendim rastin e Dashamir Tahirit, Shkëlqim Selamit dhe kryebashkiakut Elvis Rroshi. Ndërkohë, rasti i Armando Prengës është i diskutueshëm.
REAGIMI
Pas këtij lajmi, reagoi deputeti i PDIU- së, Aqif Rakipi, i cili u pa ditën e diel në kafe edhe me kryeministrin Rama. Në një postim në “Facebook”, Rakipi e cilësoi jonormale përmendjen e emrit të tij. Deputeti i PDIU- së tha se është i pafajshëm dhe se është i hapur për çdo hetim. “Sot u njoha nga shtypi - siç ndodh rëndom këta 3– 4 muajt e fundit - që Prokuroria e Përgjithshme ka kërkuar vazhdimin e verifikimeve për personin tim. Në mënyrë të përsëritur po ju deklaroj që jam i hapur për çdo hetim dhe se nuk kam asgjë për të fshehur, i bindur në pastërtinë time. Kërkoj që t’i jepet sa më shpejt fund këtij verifikimi nga Prokuroria e Përgjithshme, sepse nuk është normale përfolja ime prej muajsh në media dhe opinion publik, duke shpresuar që të mos bëhet pjesë e lojërave politike”, u shpreh dje, deputeti i PDIU- së, Aqif Rakipi.