Vjedhja e Thesarit, prokuroria kërkon tre vjet burg për Elivar Golemin
Ish- Inspektorja e Përgjithshme e BSH akuzohet për "Shpërdorim detyre"
Prokuroria
e Tiranës kërkoi tre vjet burg për Elivar Golemin, ishInspektore e Përgjithshme e Bankës së Shqipërisë. Golemi akuzohet për veprën penale të "Shpërdorimit të detyrës" lidhur me vjedhjen e 713 milionë lekëve në Thesarin e Shtetit. Kështu, ditën e djeshme, pas 37 seancash, Prokuroria e Tiranës lexoi pretencën ndaj ish- kryeinspektores së bankës qendrore, e cila nuk kërkoi gjykim të shkurtuar, por vendosi të ballafaqohej me të gjitha provat dhe faktet e prokurorisë. Elivar Golemi u arrestua mbrëmjen
PRETENCA
Në pretencën e dhënë dje nga Prokuroria e Tiranës, u kërkua dënimi me tre vjet burg për Elivar Golemin, e akuzuar për "Shpërdorim detyre". Kjo akuzë u ngrit ndaj saj lidhur me vjedhjen e 713 milionë lekëve në Thesarin e Shtetit.
e 5 shtatorit të vitit 2016. Pas qëndrimit në qeli për rreth 2 muaj, u vendos që Golemi të gjykohej e lirë.
Për organin e akuzës, Golemi nuk ka përmbush-
ur detyrat që i ngarkonte ligji për të inspektuar Thesarin e Shtetit, ku Ardian Bitraj vodhi shumën marramendëse, ndaj kërkoi dënimin e saj me burgim.
Ish- inspektorja Elivar Golemi e ka mohuar akuzën, duke këmbëngulur për pafajësi. Këtë gjë ajo e ka deklaruar edhe më herët, duke pohuar se nuk ka lidhje me akuzën që i është ngritur nga prokuroria dhe se është e pafajshme. Golemi është zyrtarja e fundit e bankës që po gjykohet për këtë çështje. Procesi ndaj saj zgjati deri më tani pasi ajo zhvilloi gjykim me procedurë normale. Ndërkaq, pritet që më datë 3 mars ajo të paraqesë argumentet e saj mbrojtëse para togave të zeza. Për të njëjtën çështje, më herët fitoi pafajësinë ish- Guvernatori i Bankës së Shqipërisë, Ardian Fullani. Në fund të korrikut të vitit të vitit 2014 u konstatua se nga Thesari i Shtetit mungonte një shumë prej 713 milionë lekësh.