Ekstradohet nga Anglia shqiptari i shumëkërkuar
Avni Metra vrau 2 vëllezër në Burrel
Një
53- vjeçar nga Bur reli i cili ishte shpallur në kërkim ndërkombëtar është ekstraduar nga Anglia. Bëhet fjalë për shtetasin Avni Metra. Ai jetonte në Angli, ku prej 18 vjetësh jetonte me pasaportë false dhe mbante identitetin Avdul Mekra, po 53 vjeç, por lindur në Gjakovë. Ekstradimi i tij u bë, pasi shqiptari është dënuar me 25 vjet burg nga Gjykata e Tiranës, ku akuzohet për vrasjen e 2 vëllezërve Nevruz dhe Kadri Xhetani në vitin 1997 në qytetin e Burrelit. 53- vjeçari akuzohet për veprat penale "Vrasje me paramendim, e kryer në bashkëpunim, 2 herë" dhe "Mbajtje pa leje të armëve luftarake". Në vitin 1997, Metra është bashkuar me bandën e fisit Kola të Burrelit. Ky ishte në konflikt për pushtet me një bandë tjetër të fuqishme, atë të fisit Deda. Vrasja e parë për Metrën ësh- të shënuar në prill të atij viti, ku ai bashkë me një person tjetër kanë goditur për vdekje Kadri Xhetanin, në atë kohë roje sigurie. Xhetani i kishte ndaluar ata teksa po vidhnin një fabrikë mielli. Më pas, dy anëtarët e bandës Kola i kanë bërë pritë edhe vëllait të Kadri Xhetanit, menjëherë pas funeralit të këtij të fundit. Ata kanë sulmuar Nevruzin dhe e kanë hedhur në një pyll pranë lumit. Ka qenë motra e viktimave ajo që ka identifikuar autorin e vrasësve të vëllezërve të saj. Pas hetimeve që nisën ndaj tij, Metra u largua për në Britani. Atje jetoi për 18 vjet dhe u kap pas një hetimi të së përditshmes britanike "Daily Mail". Sipas medias, shqiptari pagoi një trafikant £ 5.000 për të ikur në Britani të Madhe, pasi u dënua me 25 vjet burg në Shqipëri për dy vrasje.