Testimi, pikët për 820 arsimtarë në Drejtoritë Arsimore të rretheve
"GSH" publikon rezultatet e mësuesve të Beratit, Durrësit, Dibrës dhe Elbasanit Renditja përfundimtare javën që vjen, shtohen edhe pikët e dosjes
Publikohen rezultatet e testimit "Mësues për Shqipërinë" për arsimtarët që hynë në provim më 21 janar. "Gazeta shqiptare" në tabelat e mëposhtme publikon pikët për 820 kandidatët të DAR Berat, DAR Dibër, DAR Durrës dhe DAR Elbasan. Kjo nuk është renditja përfundimtare e arsimtarëve, pasi këtyre pikëve që ata kanë marrë në testim do t'u shtohen edhe pikët e dosjes dhe më pas do të bëhet renditja përfundimtare e tyre për çdo profil/ lëndë. Pritet që javën që vjen të bëhet renditja përfundimtare, pasi deri ditën e premte mësuesit kanë të drejtën të bëjnë ankimimin e rezultateve që kanë marrë në testim. Kandidati duhet të bëjë verifikimin e ID- së personale për të mësuar pikët që ka grumbulluar në provim.
REZULTATET
Në tabelat e mëposhtme, veç ID, kandidatët kanë të dhënë edhe lëndën si dhe pikët që kanë fituar në testim, të ndarë sipas përbërjes së tezës. Në kolonën e fundit, kandidatët kanë pikët totale që kanë arritur, ndërkohë që pikët maksi- male të testit janë 70. Ndarja është bërë e tillë, pasi edhe testi ishte i ndarë në pjesën e parë, që përmban dokumentet zyrtare që kanë të bëjnë me veprimtarinë e mësuesve, programet lëndore përkatëse, metodologjinë e mësimdhënies dhe të nxënit, në përgjithësi dhe të lëndës, etikën dhe komunikimin e mësuesit në institucionit arsimor, aspekte të drejtshkrimit të gjuhës shqipe dhe në total ka 30 pikë. Ndërsa pjesa e dytë përfshin përmbajtjen shkencore të lëndës sipas programit orientues përkatës dhe në total ka 40 pikë. Rezultati i testimit është një nga faktorët përcaktues, por jo i vetmi për t'u punësuar. Pikët e testit kanë 70% të peshës në garën për punë. Shumatorja e tyre me pikët e dosjes që secili prej tyre i ka marrë, tashmë në Drejtorinë Arsimore përbëjnë totalin e pikëve me të cilat shpallet ose jo fitues. Por, mundësia e punësimit është në varësi të renditjes së tij dhe vendeve në dispozicion për çdo DAR/ ZA. Prioritet ka ai me pikët maksimale, i cili ka të drejtë të refuzojë deri në tri vende që i ofrohen nga komisioni i ngritur posaçërisht. Kandidati, i cili në renditjen e përgjithshme sipas profilit/ lëndës është renditur me numrin më të madh të pikëve, ka të drejtën e zgjedhjes për vendet e lira të punës në institucionet arsimore në prezencë të komisionit të ngritur pranë Drejtorive/ Zyrave Arsimore Rajonale.
REZULTATET E TESTIMIT “MËSUES PËR SHQIPËRINË” 2016- 2017