Projektligji ' Për policinë gjyqësore", OPGJ propozime Komisionit të Ligjeve e EURALIUS
OPGJ: Karriera jonë në ngërç, trajtim jodinjitoz, paguhemi sa 70% e prokurorit "Veprimtaria jonë, nën kontrollin e prokurorisë"
Në kohën kur ek spertët e fushës po diskutojnë në Komisionin e Ligjeve projektligjin për policinë gjyqësore, hetuesit kërkojnë më shumë vëmendje, pasi ndihen të përjashtuar dhe të diskriminuar.
Në draftin e dorëzuar në Komisionin Parlamentar dhe pranë EURALIUS, oficerët theksojnë se projektligji në fjalë cenon rëndë të drejtat themelore në ushtrimin e funksioneve të tyre, raporton "News24".
Oficerët sugjerojnë që në ligj të përcaktohet qartë varësia institucionale ndaj tyre, ngritja në karrierë si dhe një trajtim financiar më dinjitoz.
Konkretisht, oficerët gjyqësorë propozojnë që ve- primtaria e tyre të jetë ekskluzivisht nën kontrollin e prokurorisë, pa artificializma dhe kompetenca shtesë e joprofesionale. Hetuesit sugjerojnë gjithashtu që emërimi, transferimi dhe procedimet disiplinore të tyre, të jenë e drejtë ekskluzive e Këshillit të Lartë të Prokurorisë.
Sipas tyre, kjo kërkesë vjen me qëllim shmangien e burokracive të tepërta brenda strukturave të Policisë së Shtetit. Mandej theksojnë se vetëm në këtë mënyrë shmanget rrjedhja e informacionit nga dosja hetimore, si dhe lëvizjet tendencioze nga ana e eprorëve, gjë e cila do të komprometonte rëndë hetimin e çështjeve penale. Një tjetër shqetësim i ngritur nga oficerët gjyqësorë është fakti se projektligji në fjalë nuk parashikon në asnjë nen promovimin e tyre në karrierë. Hetuesit shprehen se padrejtësia më e madhe iu është bërë me ndryshimet e fundit kushtetuese, ku u hiqet mundësia për t'u bërë ndonjëherë prokurorë. Po përtej kësaj, argumentojnë hetuesit, edhe projektligji në fjalë i diskriminon në këtë drejtim, duke mos pasur asnjë stimul, pasi karriera e tyre është e stopuar që në nisje.
Në fund, ata kërkojnë trajtim financiar dinjitoz, pasi theksojnë se paga e tyre është sa 70% e pagës së prokurorit. Për hetuesit, hendeku i madh që krijohet mes prokurorëve dhe vetë atyre, mund ta vërë në rrezik të gjithë sistemin e drejtësisë penale. E në këtë pikë i mëshojnë fort faktit se hetimi është veprimtari ekskluzive e oficerëve gjyqësorë.