Atentati në Fier, policia heton pistën e hakmarrjes

Kalvari i ngjarjeve nisi që nga viti 1997

Policia

e Fierit po heton pistën e hakmarrjes për të zbardhur atentatin me eksploziv të mbrëmjes së të shtunës, ku mbeti i plagosur teksa ecte me makinën e tij, Armando Sulo. Hakmarrje që lidhet me familjen e dajës së 35- vjeçarit të gjymtuar në të dyja këmbët nga shpërthimi në makinën me të cilën po udhëtonte në lagjen "Kryengritja", raporton Tv Klan.

Sula ka qenë i dyshuar për vrasjen e Ardian Mollës, ngjarje kjo e ndodhur në vitin 2003, të cilin e akuzonte si autorin e vrasjes së dajës së tij, Astrit Braçes. Ky i fundit ishte një ish- oficer policie, i cili u ekzekutua në vitin 2001. Zinxhiri i vrasjeve ka nisur që prej vitit 1997, kur gjatë një operacioni të policisë së Fierit mbeti i vrarë Elton

35- vjeçari Armando Sulo ishte duke udhëtuar me mjetin e tij me targa AA 252 NM. Në ecje e sipër, makina shpërtheu në flakë, ku për pasojë mbeti i dëmtuar drejtuesi i mjetit. Ngjarja e rëndë u shënua të shtunën, në lagjen "Kryengritja" në Fier, në vendin e quajtur "Poçeria".

Brahimaj. Në operacion ishte pjesëmarrës oficeri Astrit Braçe, të cilin familja Brahimaj e akuzonte si përgjegjës. Katër vite pas kësaj ngjarje, në vitin 2001, Astrit Braçe dhe djali i tij, u vranë në një pritë. Në atë kohë, i dyshuari kryesor ishte shtetasi Ardian Molla, i afërm i Elton Brahimajt, i cili vritet në vitin 2003. Armando Sulo ishte në rrethin e personave që u hetuan. Policia dyshon se atentati ndaj tij është i lidhur me këto ngjarje. Makina me të cilën udhëtonte 35- vjeçari shpërtheu teksa ishte në ecje. Sipas policisë lokale, Armando Sulo sapo kishte dalë nga burgu disa ditë më parë, pasi ishte arrestuar për armëmbajtje pa leje dhe kishte përfituar nga amnistia. Ndërkaq, ditën e djeshme, Sulo është transferuar në Spitalin e Traumës në kryeqytet për ndihmë më të specializuar mjekësore.