Vodhi pije alkoolike në dy lokale, pranga autorit

LUSHNJE - Specialistët për hetimin e krimeve në Komisariatin e Policisë Lushnje, kanë arrestuar në flagrancë një 24- vjeçar teksa po vidhte disa pije alkoolike në një lokal. Në pranga ka përfunduar Shtetasi Eldorado Demiri, banues në lagjen "18 Tetori" Lushnjë. Arrestimi i tij u bë pasi gjatë natës të së dielës, në lagjen "Loni Dhamo", ai ka vjedhur lokalin "Bar- KafeRestorant" në pronësi të shtetases me iniciale D. B, 51 vjeçe. I riu akuzohet se ka vjedhur rreth 30.000 lekë, disa pije alkoolike e freskuese. Gjithashtu, nga hetimet rezultoi se 24vjeçari ka vjedhur edhe disa pije alkoolike në lokalin "Bar Kafe" në pronësi të shtetases me iniciale N. Ç, 40 vjeçe, banuese në lagjen "Kongresi" Lushnje.